मुंबई : अस्थायी वैद्यकीय प्राध्यापकांचे आंदोलन सरकार दरबारी बेदखल

मुंबई :  राज्यातील सर्व सरकारी वैद्यकीय महाविद्यालयातील (Medical colleges) अस्थायी सहायक प्राध्यापकांचे जे. जे. रुग्णालयात (j j hospital) साखळी उपोषण सुरू आहे. आंदोलनाच्या (strike) अकराव्या दिवसानंतरही सरकार दरबारी त्याबाबत कोणतीही दखल घेत नसल्याने हे सरकारचे दुर्दैव असल्याचे महाराष्ट्र राज्य वैद्यकीय शिक्षक संघटनेचे अध्यक्ष डॉ. सचिन मुळकुटकर (dr sachin mulkutkar) यांनी सांगितले.

अस्थायी वैद्यकीय प्राध्यापकांनी सेवा नियमित करण्यासोबतच विविध मागण्यांसाठी १७ जानेवारीपासून आंदोलन पुकारले आहे; मात्र या आंदोलनाकडे वैद्यकीय शिक्षणमंत्री, सचिव, आयुक्त, तसेच संचालकांकडून दुर्लक्ष केले जात असल्याची तक्रार आंदोलनकर्ते करतात. सरकारच्या वेळकाढू धोरणामुळे गेल्या ११ दिवसांपासून उपोषण करण्याची वेळ प्राध्यापकांवर आल्याचे सांगण्यात आले.