मद्य मागूनही न दिल्याने बिल देण्यास नकार; ग्राहकाला चोप

हॉटेल मॅनेजरसह वेटरची ग्राहकाला मारहाण डोंबिवली, ता. ३१ ः अतिरिक्त मद्याची मागणी करूनही वेटरने दिले नाही म्हणून बिल देण्यास नकार देणाऱ्या ग्राहकाला हॉटेलच्या मॅनेजरने व तीन वेटरने मारहाण केल्याची घटना डोंबिवलीत घडली. या प्रकरणी हॉटेल मॅनेजर व तीन वेटरविरोधात मानपाडा पोलिस ठाण्यात गुन्हा दाखल करण्यात आला आहे. कल्याण पूर्वेत राहणारे विशाल वीर हे शनिवारी (ता. २९) रात्री बदलापूर पाईपलाईन रोडवरील तरंग हॉटेलमध्ये गेले होते. विशाल यांनी हॉटेलच्या वेटरकडे आणखी मद्याची मागणी केली असता ती देण्यास वेटरने नकार दिला. त्यामुळे विशाल यांनी हॉटेलचे बिल देण्यास नकार दिला. याचा राग आल्याने मॅनेजरसह तीन वेटर यांनी विशाल यांना लाकडी दांडक्याने मारहाण केली.