२२ वर्षे फरारी असलेला कैदी अटकेत | Sakal
sakal

बोलून बातमी शोधा

२२ वर्षे फरारी असलेला कैदी अटकेत
२२ वर्षे फरारी असलेला कैदी अटकेत

२२ वर्षे फरारी असलेला कैदी अटकेत

sakal_logo
By

उल्हासनगर, ता. ७ (वार्ताहर) ः पत्नीला जिवंत जाळल्याप्रकरणी गुजरात बडोदा कारागृहात जन्मठेपेची शिक्षा भोगत असताना पॅरोल मिळताच गेली २२ वर्षे फरारी असलेल्या कैद्याला गुन्हे अन्वेषण शाखेच्या पोलिसांनी अटक केली.
गुजरात सुरतमधील लिंबायत पोलीस ठाण्याच्या हद्दीत राहणाऱ्या रमेश उर्फ दिनेश तायडे याने १९९५ साली त्याच्या पत्नीला जिवंत जाळून ठार मारले होते. न्यायालयाने त्याला जन्मठेपेची शिक्षा सुनावली होती. तो बडोदा कारागृहात शिक्षा भोगत होता.
२२ नोव्हेंबर १९९९ रोजी तायडे याची १५ दिवसांसाठी पॅरोलवर सुटका करण्यात आली होती. मात्र, १५ दिवस होताच तायडे गुजरातमधून फरार झाला. गुजरात पोलिस सातत्याने त्याचा मागोवा घेण्यासाठी विविध शहरात शोध घेत होते. पण तो २२ वर्षे उलटून गेलेत तरी सापडत नव्हता.
अशात उल्हासनगर गुन्हे अन्वेषण शाखेच्या पोलिसांना गुप्त बातमीदाराकडून खात्रीची माहिती मिळाली की, फरार असलेला बडोदा कारागृहातील कैदी रमेश उर्फ दिनेश तायडे हा कानसई रोडवरील भरत नगरमध्ये राहत आहे. त्यानुसार आज पहाटे चारच्या सुमारास वरिष्ठ पोलिस निरीक्षक अनिल मांगले यांच्या मार्गदर्शनाखाली उपनिरीक्षक किशोर महाशब्दे, हवालदार मधुकर माळी, शिपाई नवनाथ कोरडे, अर्जुन मुत्तलगिरी आणि विठ्ठलवाडी पोलिस ठाण्याचे मंगेश वीर यांनी पहाटे भरत नगरात तायडेच्या मुसक्या आवळल्या.
...

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top