बेशिस्त रिक्षाचालकांना दणका | Sakal
sakal

बोलून बातमी शोधा

बेशिस्त रिक्षाचालकांना दणका
बेशिस्त रिक्षाचालकांना दणका

बेशिस्त रिक्षाचालकांना दणका

sakal_logo
By

कल्याण, ता. १२ (बातमीदार) ः कल्याण रेल्वे स्थानकाबाहेर बेशिस्त रिक्षाचालकांचा वावर वाढला आहे. त्यांच्याविरोधात कल्याण पश्चिम वाहतूक पोलिस आणि कल्याण आरटीओच्या पथकाकडून कारवाई करत तीन लाख १९ हजार ८०० एवढा दंड वसूल करण्यात आला.
वाढीव रिक्षा भाडे घेणे, प्रवाशांना उद्धट बोलणे, गणवेशाचा नियम न पाळणे, लायसन, परमिट, बॅच, कागदपत्रे नसणे आदी कारणांवरून बेशिस्त रिक्षाचालकांवर आज कारवाई करण्यात आली. कल्याण पश्चिम वाहतूक पोलिस आणि कल्याण आरटीओ यांच्या पथकाने स्टेशन परिसरात ४०० हून अधिक रिक्षाची तपासणी केली. त्यातील ६६ बेशिस्त रिक्षाचालकांना दणका देत त्यांच्याकडून तीन लाख १९ हजार ८०० रुपये एवढा दंड वसूल केल्याची माहिती कल्याण वाहतूक विभाग वरिष्ठ पोलिस निरीक्षक महेश तरडे यांनी दिली.
कारवाईमुळे रिक्षाचालक आणि रिक्षा संघटना पदाधिकाऱ्यांचे धाबे दणाणले आहेत. कारवाईदरम्यान स्टेशन परिसरात काही प्रमाणात रिक्षांचे प्रमाण कमी होते; मात्र वाहतूक पोलिस आणि आरटीओचे पथक तेथून जाताच पुन्हा रिक्षांची संख्या वाढली. त्यामुळे आरटीओने फक्त एका दिवसाच्या कारवाईचा देखावा न करता येथे नियमित कारवाई करून बेशिस्त वाहनचालकांवर नियंत्रण ठेवावे, असे मत प्रवासी व्यक्त करत आहेत.
रिक्षाचालकांनी प्रवशांशी सौजन्याने वागावे. योग्य कागदपत्रे सोबत ठेवावीत आणि गणवेश घालावा. नियमभंग करणाऱ्यांविरोधात भविष्यातदेखील कारवाई सुरू राहणार आहे.
- महेश तरडे, वरिष्ठ पोलिस निरीक्षक, कल्याण वाहतूक विभाग

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top