जैन समाज रस्त्यावर उतरला

जैन समाज रस्त्यावर उतरला

अलिबाग, ता. ११ (बातमीदार) : गुजरात येथील जैन शाश्वत महातिर्थ क्षेत्र जैन समाजाचे शत्रुंजय गिरीराज (पालीतणा) वर प्रथम तिर्थकर आदिनाथ भगवान यांच्या चरण पादुकांची तोडफोड करून विटंबना केली आहे. तसेच जैन साधू संत यांच्यावर प्राणघातक हल्ला करण्यात आला आहे. त्यामुळे जैन समाजाच्या भावना दुखावल्या आहेत. त्याविरोधात अलिबागमध्ये रायगड जिल्हा जैन महासंघाच्यावतीने मोर्चा काढण्यात आला.
अलिबागमधील बाजारपेठ येथून मोर्चाला सुरुवात झाली. जिल्हाधिकारी कार्यालय, बालाजी नाका, महाविर चौक, शेतकरी भवन, जिल्हा मध्यवर्ती सहकारी बँक ते भाग्यलक्ष्मी हॉलपर्यंत हा मोर्चा काढण्यात आला. गुजरातमधील पालीताना येथील जैन मंदिराच्या तोडफोडीचे प्रकरण वाढतच चालले आहे. त्या पार्श्वभूमीवर आंदोलन करण्यात आले. काळे झेंडे दाखवत घोषणाबाजी करत आंदोलन करण्यात आले. आंदोलनामध्ये जिल्ह्यातील जैन समाज सहभागी झाला होता. अबाल वृद्धांपासून सर्वच मंडळी आंदोलनामध्ये सहभागी झाले होते. तानाशाही नहीं चलेगी, दोषींवर कारवाई करा अशा घोषणा देत जैन समाज न्यायहक्कासाठी रस्त्यावर उतरला होता. येथे क्लिक करा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com