खोपोली सय्यद गाझी बाबा उरुस

खोपोली (बातमीदार) ः शहरात सय्यद गाझी बाबा उरुस मोठ्या उत्‍साहात सुरू आहे. मंगळवार व बुधवार असे दोन दिवस सुरू असलेल्‍या उरसात खोपोली शहर व परिसरातील सर्व मुस्लिम बांधव दर्शन घेण्यासाठी व मानाची चादर चढविण्यासाठी येतात. उरसानिमित्त शीळफाटा येथून दर्गापर्यंत पालखी यात्रा काढण्यात येते. यात मुस्लिम बांधवसह सर्व धर्मीय नागरिक व सर्वपक्षीय नेते कार्यकर्ते सहभागी होतात.
उरसानिमित्त दोन दिवस मुंबई -पुणे जुना महामार्गावर संध्याकाळी सात ते दहा वाजेपर्यंत वाहतुकीला अडथळा होऊ नये यासाठी वाहतूक पोलिस, खोपोली पोलिस व अपघातग्रस्तांच्या मदतीसाठी सक्रिय सामाजिक संस्थांचे कार्यकर्ते वाहतूक सुरळीत राहण्यासाठी सज्ज होते. या दरम्यान मोठ्या व जड वाहनांची वाहतूक चिंचवली डीपीमार्गे लौजी-वासरंग पुढे महामार्ग अशी वळवण्यात आली होती.