क्रिकेट स्पर्धेत वहूर इलेव्हन अंतिम विजेता

क्रिकेट स्पर्धेत वहूर इलेव्हन अंतिम विजेता

महाड, ता. ७ (बातमीदार) : वेस्ट झोन आयोजित व माजी नगराध्यक्ष संदीप जाधव पुरस्कृत गाव टू गाव ओव्हरआर्म टेनिस क्रिकेट स्पर्धेत वहूर इलेव्हन संघाने अंतिम विजेतेपद पटकावले, तर लाडवली संघाने उपविजेतेपद मिळवले.
शहरातील क्रांतिभूमीसमोर दिवंगत सिद्धेश जागडे क्रीडानगरीत या स्पर्धा पार पडल्या. या स्पर्धेतील विजेत्या संघांना जिल्हा काँग्रेसचे वरिष्ठ उपाध्यक्ष हनुमंत जगताप यांच्या हस्ते पारितोषिक वितरित करण्यात आले. स्पर्धेत वहूर इलेव्हन संघाने अंतिम विजेतेपद पटकावले, तर लाडवली संघाने उपविजेतेपद मिळवले. तृतीय क्रमांक वेस्ट झोन संघाला, तर चतुर्थ क्रमांक मोहोप्रे संघाने मिळवला. या वेळी जिल्हा काँग्रेसचे सरचिटणीस धनंजय देशमुख, माजी नगराध्यक्ष संदीप जाधव, युवक काँग्रेसचे शहराध्यक्ष आशीष चिखले, उप शहरप्रमुख मंगेश देवरूखकर, नीलेश यादव, अमित यादव, वेस्ट झोनचे अमित गोगावले, सतीश जोशी, महेश लोखंडे उपस्थित होते. स्पर्धा यशस्वी करण्यासाठी कुणाल शिर्के, बाळा देवरूखकर, अजय ठाकूर, प्रफुल्ल उमासरे, प्रसाद उंडरे, महेश शेडगे, शेखर जाधव, सनी गोगावले, समीर कदम, सौरभ देवरूखकर आदी वेस्ट झोनच्या सभासदांनी विशेष परिश्रम घेतले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com