ल्युको सारकोमा कर्करोगावर यशस्वी उपचार

ल्युको सारकोमा कर्करोगावर यशस्वी उपचार
सकाळ वृत्तसेवा
मुंबई, ता. ८ : एका ३८ वर्षीय मुंबईतील पुरुषावर दुर्मिळ ल्युको सारकोमा कर्करोगावर यशस्वी उपचार करण्यात झायनोवा शाल्बी रुग्णालयातील डॉक्टरांना यश आले आहे. ज्यामध्ये त्याच्या कुल्ल्यातून चार सेमी आकाराची दुर्मिळ गाठ काढण्यात आली. शस्त्रक्रियेनंतर अवघ्या ३ दिवसांत रुग्णाने दैनंदिन कामे सुरू केली.
अजय खत्री यांना २०१६ मध्ये अचानक बसताना आणि झोपताना वेदना होत असल्याचे जाणवले. दिवसेंदिवस वाढणाऱ्या या वेदनेमुळे त्याच्या दैनंदिन कामात अडथळे निर्माण होऊ लागले. त्यांनी स्थानिक डॉक्टरांचा सल्ला घेतला ज्याने डाव्या कुल्ल्यात गाठ असल्याचे सांगितले. बायोप्सीमध्ये असे दिसून आले की ही गाठ कर्करोगाची नाही आणि शस्त्रक्रिया करून काढून टाकली. मात्र, त्याच ठिकाणी २०२१ मध्ये काही वर्षांनी पुन्हा गाठ आढळून आली. त्यानंतर, रुग्ण रुग्णालयात दाखल झाले.
लॅप्रोस्कोपिक आणि जनरल सर्जन डॉ. हेमंत पटेल यांनी म्हटले की, सुरुवातीला रुग्णाला दैनंदिन कामे करताना वेदना आणि त्रास होत होता. त्यानंतर बायोप्सी अहवालात ल्यूको सारकोमा नावाचा सौम्य कर्करोगाचे निदान झाले. स्नायूंच्या ऊतींमध्ये विकसित होणारा हा एक दुर्मिळ कर्करोग आहे. ही गाठ कॅन्सरची होती, पहिल्या टप्प्यातील कॅन्सर होता. ट्यूमर काढण्यासाठी त्याला शस्त्रक्रिया करण्याचा सल्ला देण्यात आला.

रुग्णावर डिसेंबर २०२२ मध्ये शस्त्रक्रिया होणार होती. आम्ही व्ही-वाय प्लास्टी तंत्राचा वापर केला. त्याच्या नितंबातून १४ सेमी लांबीचा एक वर्तुळ तयार करून ४ सेमी आकाराचा ट्यूमर काढण्यात आला. तो स्नायूमध्ये खोलवर रुजलेला नव्हता. ही शस्त्रक्रिया सुमारे ३ तास चालली आणि ३ दिवसांनी रुग्णाला डिस्चार्ज देण्यात आला.
– डॉ. हेमंत पटेल, लॅप्रोस्कोपिक आणि जनरल सर्जन