विक्रमगड नगरपंचायतीचे समिती सभापती जाहीर

विक्रमगड, ता. १५ (बातमीदार) : विक्रमगड नगरपंचायतीच्या नवनियुक्त समिती सभापतींच्या नेमणुका जाहीर करण्यात आल्या. या वेळी नगरसेवक अमोल भडांगे यांची बांधकाम, दिवाबत्ती व सांस्कृतिक कार्यक्रम सभापतिपदी, नगरसेवक मनोज वाघ यांची नियोजन, कर विकास व मागासवर्गीय कल्याण समिती सभापतिपदी; तर नगरसेविका अर्चना लोहार यांची महिला व बाल कल्याण समिती सभापतिपदी निवड करण्यात आली. या वेळी पीठासिन अधिकारी म्हणून उपजिल्हाधिकारी व वाडा प्रांताधिकारी भवानजी आगे पाटील यांनी काम पाहिले. या प्रसंगी विक्रमगड नगरपंचायत नगराध्यक्ष नीलेश पडवळे, उपनगराध्यक्ष महेंद्र पाटील, मुख्याधिकारी अजय साबळे, सर्व नगरसेवक-नगरसेविका व कर्मचारी उपस्थित होते.