सावत्र पित्याकडून अमानुष मारहाण

सावत्र पित्याकडून अमानुष मारहाण

सकाळ वृत्तसेवा
मुंबई, ता. १ : मुलगी हट्ट करते म्हणून लहानग्या मुलीला सावत्र बापाने बेदम मारहाण केल्याची घटना बोरिवलीत घडली आहे. एवढेच नाही, तर त्याने सांडशीने मुलीच्या खासगी जागेवर जखमा केल्या. शेजारी राहणाऱ्या महिलेच्या सतर्कतेमुळे हा प्रकार उघडकीस आला आहे. त्यानंतर आरोपी सावत्र बापाविरोधात गुन्हा दाखल करण्यात आला असून त्याचा शोध सुरू आहे.

बोरिवली येथे पीडित सहावर्षीय मुलगी आपली आई आणि सावत्र बापासोबत राहते. मुलगी हट्ट करते म्हणून तिची आई घरी नसताना आरोपीने मुलीला पट्ट्याने बेदम मारहाण केली. तसेच, मुलीच्या खासगी अवयवाला सांडशीने जखमा केल्या. डिसेंबर २०२२ ते २८ मार्च २०२३ पर्यंत आरोपीने मुलीला अनेकदा मारहाण केली. याबाबत कुणाकडे सांगितल्यास जीवे मारण्याची धमकीही तो देत असे. मारहाणीमुळे मुलीला मानसिक धक्का बसून ती गप्प राहू लागली. ही बाब शेजारी राहणाऱ्या महिलेच्या लक्षात आली. तिने मुलीला विश्वासात घेऊन तिची चौकशी केली असता घडलेला प्रकार समजला. त्यानंतर मुलीच्या आईने पोलिसात धाव घेतली. पोलिसांनी मुलीसह आईचे समुपदेशन केले. पोलिसांकडून आरोपीचा शोध सुरू आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com