विसरलेली बॅग प्रवाशाला केली परत

विसरलेली बॅग प्रवाशाला केली परत

लोकलमध्ये विसरलेली बॅग रिक्षाचालकाकडून प्रवाशाला परत
घाटकोपर, ता. २६ (बातमीदार) ः घाटकोपर येथील सामाजिक कार्यकर्ता तसेच रिक्षाचालक असलेले हनुमंत टाव्हरे हे घाटकोपर ते बदलापूर असा ट्रेनने प्रवास करत असताना बदलापूरला उतरताना त्यांच्या लक्षात आले की कुणाची तरी बॅग राहिली आहे. त्यांनी ती बॅग प्लॅटफॉर्मवरील टॉर्चमॅनजवळ घेऊन गेले. तेथे बॅगेत पाहिले असता बॅगेत मोठा कॅशिओ आणि जगद्गुरु नरेंद्रचार्य महाराज भक्त सेवा मंडळ मुंबई यांच्या विविध कलात्मक स्पर्धात वादन स्पर्धेत प्रथम क्रमांक मिळवल्याचे ओमकार फावरे यांचे प्रमाणपत्र होते. हनुमंत टाव्हरे यांनी ती बॅग बदलापूर स्टेशन येथे जमा केली आणि पोस्ट तयार करून व्हॉटसॲपच्या माध्यमातून सोशल मीडियावर टाकली. हनुमंत टाव्हरे यांचा जनसंपर्क चांगला असल्यामुळे ती पोस्ट फॉरवर्ड होत ओमकार फावरे यांच्या मित्रापर्यंत पोहचली आणि त्यांनी ती फावरे यांच्यापर्यंत पोहचवली. त्याचबरोबर हनुमंत टाव्हरे यांनी फेसबुकच्या माध्यमातूनही फावरे यांच्यापर्यंत पोहचण्याचा प्रयत्न चालूच ठेवला होता. त्याला यश येत जगद्गुरु नरेंद्र महाराज भक्त सेवा मंडळ पदाधिकारी यांच्या माध्यमातून त्‍यांना फावरे यांचा मोबाईल नंबर मिळाला. त्‍यावर संपर्क साधून टाव्हरे यांनी बॅग बदलापूर रेल्वे स्टेशनला जमा केल्याचे सांगितले. नंतर ओमकार फावरे यांनी हनुमंत टाव्हरे यांना फोन करत बॅग मिळाल्याचे सांगत धन्यवाद दिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com