शहापुरात ९६.४ मतदान

खर्डी, ता. ३० (बातमीदार) : शहापूर कृषी उत्पन्न बाजार समितीची निवडणूक रविवारी (ता. ३०) पार पडली. यात ९६.४ टक्के मतदान झाले. सेवा संस्थेत ७८५ पैकी ७७८ (९९टक्के), ग्रामपंचायतमध्ये ९०५ पैकी ८९० (९८ टक्के) व व्यापारी २८८ पैकी २७९ (९७ टक्के) मतदान झाले आहे.

महाविकास आघाडीविरोधात शिवसेना-भाजप युतीत सरळ लढत झाल्याचे बोलले जात आहे. काही मातब्बर अपक्ष उमेदवार असल्याने विजयाची माळ कोणाच्या गळ्यात पडणार, याकडे सर्वांचे लक्ष लागले आहे. संध्याकाळी ७ वाजले तरी कोणताही निकाल आलेला नव्हता. पोलिसांनी चोख बंदोबस्त ठेवल्याने मतदान प्रक्रिया सुरळीतपणे पार पडली.