‘त्या’ नराधमावर पोक्सोअंतर्गत गुन्हा दाखल

ठाणे, ता. २३ : कळव्यातील नऊवर्षीय बालिकेवर अतिप्रसंग करणाऱ्या संशयित आरोपी सिद्दिकी शेख याच्याविरोधात पोक्सो कायद्याअंतर्गत गुन्हा दाखल करण्याची मागणी मनविसेचे सरचिटणीस संदीप पाचंगे यांनी पोलिस उपायुक्त गणेश गावडे यांना चार दिवसांपूर्वी केली होती. अखेर संशयित आरोपी शेख याला पोलिसांनी गजाआड करत त्याच्यावर पोक्सोअंतर्गत गुन्हा दाखल केला आहे. त्याला न्यायालयाने चार दिवसांची पोलिस कोठडी सुनावली आहे. पीडित मुलीच्या आईने संशयित आरोपी सिद्दिकी शेख याच्याविरोधात कळवा पोलिस ठाण्यात तक्रार दाखल केली होती. मात्र घडलेला प्रकार गंभीर असल्यामुळे या नराधमावर पोक्सोअंतर्गत गुन्हा दाखल करण्याची मागणी मनविसेचे सरचिटणीस पाचंगे यांनी पोलिस उपायुक्त गणेश गावडे यांना निवेदनाद्वारे केली होती.