Mumbai Drug Crime : इराणी वस्तीतून ड्रग लेडीला अटक

डोंबिवली - गुन्हेगारांची वस्ती म्हणून ओळखळ्या जाणाऱ्या इराणी वस्तीतून पोलिसांनी आत्तापर्यंत अनेक आरोपींच्या मुसक्या आवळल्या आहेत. याच इराणी वस्तीतून अमली पदार्थांची विक्री होत असल्याची घटना आता उघडकीस आली आहे. एमडी ड्रग्ससह चरस विक्री करणाऱ्या एका महिलेला खडकपाडा पोलिसांनी इराणी वस्तीतून अटक केली आहे.

सबा सय्यद असे अटक आरोपी महिलेचे नाव असून पोलिसांनी गुन्हा दाखल करत पुढील तपास सुरू केला आहे. कल्याण खडकपाडा पोलिसांच्या पथकाने मंगळवारी रात्रीच्या सुमारास आंबिवलीतील इराणी वस्तीत छापा टाकला.

या वेळी एका महिलेला ताब्यात घेण्यात आले. तिची झडती घेत चौकशी केली असता तिच्याकडे एमडी ड्रग्ससह चरसचा साठा आढळून आला. सबा सय्यद हिने हे अमली पदार्थ कोठून आणले, कोणाला विक्री केली जाते, याचा तपास पोलिस करत आहेत.