लैंगिक छळ प्रकरणी सुरक्षारक्षकाला कारावास

लैंगिक छळ प्रकरणी सुरक्षारक्षकाला कारावास

ठाणे, ता. २६ (वार्ताहर) : शाळेत जाणाऱ्या दोन अल्पवयीन मुलींचा पाठलाग करून धमकावत त्यांचे लैंगिक शोषण केल्याप्रकरणी शाळेचा सुरक्षारक्षक विकास चव्हाण याला ठाणे अतिरिक्त जिल्हा व सत्र न्यायालयाचे न्यायमूर्ती व्ही. व्ही. वीरकर यांनी दोषी ठरवत पाच वर्षांची सक्तमजुरी आणि दहा हजार रुपयांचा दंड अशी शिक्षा ठोठावली.
या प्रकरणात विशेष सरकारी वकील रेखा हिवराळे यांनी न्यायालयाला संगितले की, शाळेतील सुरक्षारक्षक आरोपी विकास शंकर चव्हाण हा पीडित मुलींना मोबाईलवर अश्लील चित्रफीत दाखवायचा. घटनेच्या दिवशी आरोपीने शाळेत आलेल्या मुलींना सुरक्षा रक्षाकाच्या खोलीमध्ये नेऊन त्यांचे लैंगिक शोषण केले. दरम्यान दोन्ही पीडित मुलींनी आरोपी चव्हाण याच्या डोक्यात प्रहार करून सुटका करून घेतली. त्यानंतर कुटुंबीयांसोबत कोपरी पोलिस ठाणे गाठून तक्रार नोंदवली. विशेष सरकारी वकील रेखा हिवराळे यांनी सादर केलेले सबळ पुरावे ग्राह्य धरीत न्यायमूर्ती व्ही. व्ही. वीरकर यांनी आरोपीला शिक्षा ठोठावली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com