Mumbai Loksabha: संजय निरूपम उत्तर पश्चिम मुंबईचे उमेदवार? 'या' नेत्याच्या वक्तव्याने चर्चांना उधाण

Mumbai News: ज्येष्ठ नेते संजय निरुपम यांनी काँग्रेसचा राजीनामा दिला आहे. अशातच शिंदे गटाचे प्रवक्ते संजय शिरसाट यांनी निरुपम शिवसेनेत आल्यास त्यांचे स्वागत करू, असे विधान केले आहे.

त्यामुळे येत्या दोन दिवसांत निरुपम शिवसेना शिंदे गटात प्रवेश करण्याची शक्यता असल्याची जोरदार चर्चा सुरू झाली आहे. (ekanth shinde shivsena mumbai loksabha)

संजय निरुपम यांनी काँग्रेस सोडली आहे. येत्या काही दिवसात दिशा सांगेन, असेही ते म्हणाले आहेत. त्यामुळे ते कोणत्यातरी पक्षात जाणार आहेत, हे निश्चित असल्याचे सूचक विधान शिंदे गटाचे प्रवक्ते संजय शिरसाट यांनी केले आहे. (sanjay nirupan in shivsena ekanth shinde)

त्यामुळे निरुपम भाजप की शिवसेनेत जाणार हे अद्याप स्पष्ट झालेले नाही. त्यामुळे निरुपम यांनी शिंदे गटात प्रवेश केला तर त्यांना उत्तर पश्चिम लोकसभा मतदारसंघात शिवसेना उबाठा गटाच्या अमोल कीर्तिकर यांच्याविरोधात उमेदवारी दिली जाण्याची शक्यता वर्तवली जात आहे. (shivsena UBT)

मराठी मतांचे काय?

मात्र या मतदारसंघात निरुपम यांना उमेदवारी दिली तर मराठी मते मिळतील काय? निरुपम दोनदा काँग्रेसकडून लढून पराभूत झाले आहेत. त्यांना उमेदवार केले तर शिवसैनिक काय करतील, या सर्व घटकांचा विचार शिंदे गटाकडून केला जात आहे.