खोपटे ग्रामपंचायतमधील नागरिक नागरी समस्येमुळे त्रस्‍त

खोपटे ग्रामपंचायतमधील नागरिक नागरी समस्येमुळे त्रस्‍त

खोपटे ग्रामपंचायतीमधील नागरिक समस्यांमुळे त्रस्‍त
उरण, ता. १८ (बातमीदार) ः उरण तालुक्यातील श्रीमंत ग्रामपंचायत म्हणून खोपटे बांधपाडा ग्रुप ग्रामपंचायतीकडे पाहिले जाते. सर्वात जास्त महसूल मिळणाऱ्या या ग्रामपंचायतीच्या ढिसाळ कारभारामुळे रहिवाशांना अनेक नागरी समस्यांना तोंड द्यावे लागत आहे. सध्या गावामध्ये घाणीचे साम्राज्य पसरले असून, वाढत्या डासांमुळे डेंगी, मलेरियाचे रुग्ण वाढत असल्याने रहिवाशांमध्ये भीतीचे वातावरण निर्माण झाले आहे. वाढत्‍या रुग्णांमुळे उरण तालुका आरोग्य विभागाची धावपळ सुरू झाल्याचे चित्र बांधपाडा ग्रामपंचायत हद्दीत पाहावयास मिळत आहे.
जेएनपीए बंदरामुळे उरण तालुक्यातील खोपटे बांधपाडा ग्रुप ग्रामपंचायत हद्दीत मोठ्या प्रमाणात मालाची हाताळणी करणाऱ्या गोदामांच्या संख्येत वाढ झाली आहे. मात्र स्थानिक ग्रामपंचायतीने गोदामांना ना हरकत दाखला देताना गोदामातील घाणीची, सांडपाण्याची विल्हेवाट लावण्यासाठी योग्‍य उपाययोजना केलेली नाही. त्याचा नाहक त्रास गावातील रहिवाशांना सहन करावा लागत आहे. त्यात ग्रामपंचायतीच्या ढिसाळ कारभारामुळे गावात सध्या तुंबलेली गटारे, भेडसावणारी पाण्याची समस्या यांसारख्या अनेक नागरी समस्यांनी रहिवाशांना ग्रासले आहे. त्यातच उन्हाळ्याच्या दिवसांत परिसरात डासांची उत्पत्ती होत असून डेंगी, मलेरियासारखे रुग्ण आढळत आहेत. याप्रकरणी तक्रार वाढल्‍यानंतर उरण तालुका आरोग्य विभागाचे तालुका वैद्यकीय अधिकारी डॉ. राजेंद्र इटकरे आणि त्यांच्या संपूर्ण पथाकाने परिसराची पाहणी करून रुग्णांची तपासणी केली आहे.
.....................
खोपटे बांधपाडा ग्रामपंचायत हद्दीत सांडपाण्याची विल्हेवाट योग्यप्रकारे लावली जात नाही. त्यामुळे डासांची पैदास होत आहे. तरी रहिवाशांनी आपला परिसर स्वच्छ ठेवण्यासाठी पुढाकार घ्यावा. रहिवाशांना नागरी सुविधा उपलब्ध करून देण्याचे काम स्थानिक ग्रामपंचायतीचे आहे. त्यांनी योग्य खबरदारी घेतली तर गावात यापुढे अशा प्रकारची समस्या निर्माण होणार नाही. तरी रहिवाशांनी घाबरून न जाता आजाराची लक्षणे दिसताच प्राथमिक आरोग्य केंद्रातील डॉक्टरांकडून तपासणी करून घ्यावी.
- डॉ राजेंद्र इटकरे, वैद्यकीय अधिकारी, उरण तालुका

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com