Navi Mumbai: स्वीमिंग पूलमध्ये बुडून विद्यार्थ्याचा मृत्यू; कोचवर गुन्हा दाखल

Navi Mumbai: वाशीतील फादर ॲग्नेल कॉलेजमध्ये शिक्षण घेणाऱ्या मयूर आदिनाथ डमाळे (वय १७) या विद्यार्थ्याचा गेल्या आठवड्यात कॉलेजमधील स्वीमिंग पूलमध्ये बुडून मृत्यू झाला होता.

त्यानंतर वाशी पोलिसांनी केलेल्या तपासात मयूरचा मृत्यू स्वीमिंग कोच तसेच चार लाईफ गार्ड यांच्या निष्काळजीपणामुळे झाल्याचे आढळून आले. त्यामुळे पोलिसांनी या पाच जणांविरोधात गुन्हा दाखल केला आहे

. स्वीमिंग कोच लक्ष्मणसिंग काळुसिंग ठाकूर व लाईफ गार्ड आकाश बाळू देवाडे, सूरजकुमार अशोककुमार चौधरी, ओमगोविंद श्यामकिशोर यादव व सागर रावसाहेब शिवशरण या पाच जणांना मयूरच्या मृत्यूला जबाबदार धरण्यात आले असून पुढील कारवाईला सुरुवात करण्यात आली आहे.