Navi Mumbai News: सानपाडात इमारतीला भीषण आग; आग विझवण्याचे शर्थीचे प्रयत्न!

Vashi News: पामबीच रोडजवळील सानपाडा सेक्टर-१८ येथील थर्वानी हाईट्स या रहिवाशी इमारतीच्या नवव्या मजल्याला भीषण आग लागल्याची घटना शनिवारी रात्री घडली.

स्थानिक आणि पोलिसांनी दिलेल्या माहितीनुसार सिलिंडरच्या स्फोटामुळे ही आग लागली असल्याचा प्राथमिक अंदाज आहे. घटनेची माहिती मिळताच वाशी अग्निशमन दलाच्या पाच गाड्यांनी आग विझवण्याचे शर्थीचे प्रयत्न केले.

आगीवर नियंत्रण मिळवण्यात अग्निशमन दलाला यश आले आहे. इमारतीच्या इतर रहिवाशांनी इमारत रिकामी केली असली तरी नवव्या मजल्यावर १० ते १२ जण अडकल्याचा अंदाज आहे. अग्निशमन दलाकडून क्रेनच्या सहाय्याने नवव्या मजल्यावर अडकलेल्या लोकांना सुखरूप बाहेर काढण्याचे प्रयत्न सुरू आहेत.