Navi Mumbai Accident : वाहनाच्या धडकेत दुचाकीस्वाराचा मृत्यू; महापे शिळफाटा मार्गावर झाला अपघात

Navi Mumbai News: महापे येथून दिवा गाव येथे जाणाऱ्या व्यक्तीला वाहनाने धडक दिल्याने झालेल्या अपघातात दुचाकी चालकाचा मृत्यू झाला आहे.

महापे शिळफाटा मार्गावर रविवारी दुपारी हा अपघात झाला असून तुर्भे एमआयडीसी पोलिस ठाण्यात फरारी चालकावर गुन्हा दाखल आहे.

ठाण्यातील दिवा गाव येथे राहणारा सौरभ सानपाडा येथील खासगी कंपनीत कामाला होता. कामावर ये-जा करण्यासाठी दुचाकीचा वापर करत होता. रविवारी सकाळी ९ च्या दरम्यान सौरभ दुचाकीवरून कामावर निघाला होता.

दुपारी दीडच्या सुमारास दिवा गाव येथे परतत असताना महापे शिळफाटा मार्गावरील जलशुद्धीकरण केंद्राजवळ पाठीमागून येणाऱ्या वाहनाने त्याच्या दुचाकीला धडक दिली. अपघातात जखमी असलेल्या सौरभला पालिकेच्या वाशी येथील रुग्णालयात दाखल करण्यात आले. मात्र, त्याला मृत घोषित करण्यात आले.