Mumbai Crime News: दाऊदच्या मालमत्तेचे अखेर हस्तांतर, भूपेंद्र कुमार भारद्वाज यांनी केलेली खरेदी

Mumbai Crime News : कुख्यात अंडरवर्ल्ड डॉन दाऊद इब्राहिम कासकर याची रत्नागिरी जिल्ह्यातील खेडमधील मुंबके गावात मालमत्ता दिल्ली उच्च न्यायालयाचे वकील भूपेंद्र कुमार भारद्वाज यांनी साफेमाअंतर्गत झालेल्या लिलावात खरेदी केली होती

२३ फेब्रुवारी २०२४ रोजी दाऊद इब्राहिमच्या मालमत्तेचे भारद्वाज यांच्या नावे हस्तांतरित होती. अखेर सातबाराही त्यांच्या नावावर झाला आहे.

२०२० मध्ये झालेल्या सार्वजनिक लिलावात भारद्वाज यांनी दाऊदच्या दहा हजार चौरस फूट जमिनीची यशस्वी बोली लावली होती. मालमत्ता खरेदी केल्यानंतर त्यापुढील नोंदणीचे काम एवढे सोपे नाही, असे भारद्वाज सांगत होते. लिलावादरम्यान आपल्या डोक्याला खिळे का ठोकून घेत आहात, असा सवाल पोलिसांनी विचारला होता.

हे संपूर्ण गाव दाऊदचे आहे. तुम्हाला कुणी मदत करणार नाही, असे त्यांना सांगण्यात आले होते. त्यांच्यावर दबावही आला; पण त्यांनी मालमत्ता खरेदी करून तीन वर्षे उलटून गेले तरीही मालमत्तेची नोंदणी भारद्वाज यांच्या नावावर झाली नव्हती. मात्र, आता नुकताच या जमिनीचा सातबारा भारद्वाज यांच्या नावावर झाला आहे.