Palghar Lok Sabha Result: पालघरमध्ये ‘नोटा’ची बरसात, उमेदवारांना फटका!

Palghar Loskabha: पालघर लोकसभा मतमोजणीमध्ये ‘नोटा’ने चौथ्या स्थानी मजल मारल्याचे दिसून आले. प्रमुख तीन उमेदवारांनंतर ‘नोटा’ला संपूर्ण २९ फेरीत तब्बल २३ हजार ३८५ मते मिळाली. पहिल्या फेरीत एक हजार ३४६ ‘नोटा’ची नोंद झाली होती, मात्र ती उत्तरोत्तर वाढतच गेली असल्याचे दिसून आले. त्यामुळे या मतांचा फटकादेखील उमेदवारांना बसला आहे.

पालघर लोकसभा मतदारसंघात झालेल्या निवडणुकीत एकूण १३ लाख ७३ हजार १५९ मतमोजणी झाली. यात नोटांचा प्रभावदेखील दिसून आला. मतदान यंत्रावर सर्व उमेदवारांची यादी असते, मात्र यातील जर मतदाराला कोणताच उमेदवार पसंत आला नाही, तर ‘नोटा’ या शेवटच्या पर्यायाला मत देऊ शकतो. हाच पर्याय पालघर लोकसभेत २३ हजारांहून अधिक मतदारांनी वापरला.