Navi Mumbai Crime: तुर्भे येथील तीन अनाधिकृत बारवर कारवाई!

Vashi News: नवी मुंबई महानगरपालिका क्षेत्रातील तीन अनधिकृत बांधकाम असणाऱ्या बारवर पालिकेच्या अतिक्रमण पथकाने शुक्रवारी (ता. ७) कारवाई केली.

सेव्हन स्काय बार अँड लोंज, टीप्सीब्रो बार अँड लोंज पाम बीच, गॅलरिया मॉल, सेक्टर १९ डी करिश्मा बार, सेक्टर १९ सी या तीन बांधकांमावर कारवाई केली. या कारवाईतून दंडात्मक शुल्कापोटी २ लाख ५० रुपये शुल्क म्हणून वसूल करण्यात आले आहे.

ही कारवाई स्थानिक पोलिस स्थानक व नवी मुंबई महानगरपालिका यांच्या संयुक्त विद्यमाने आयुक्त डॉ. कैलास शिंदे यांच्या निर्देशानुसार उपायुक्त अतिक्रमण विभागाचे डॉ. राहुल गेठे यांच्या मार्गदर्शनाखाली करण्यात आली.

या मोहिमेसाठी सहायक आयुक्त तथा विभाग अधिकारी भरत धांडे, डॉ. अमोल पालवे, सहायक आयुक्त तथा विभाग अधिकारी, नेरूळ आणि तुर्भे विभागातील अतिक्रमण विभागाचे कर्मचारी, अतिक्रमण मुख्यालय पोलिस पथकातील अधिकारी व कर्मचारी यांच्यासह करण्यात आली.