Mumbai Cirme: पोलिसांची मोठी कारवाई , काडतुसासह तिघे ताब्यात

Maharashtra News: विनापरवाना पिस्तुलासह पाच जिवंत काडतुसे बाळगणाऱ्या तिघांना खोपोली पोलिसांनी अटक केली आहे. रविवारी पहाटे चारच्या सुमारास शिळफाटा येथे नाकाबंदी वेळी ही कारवाई करण्यात आली.

खोपोली पोलिस ठाणे हद्दीत शिळफाटा येथे साई रिव्हर रिसॉर्टसमोर पोलिसांनी नाकाबंदी लावली होती. या वेळी मुंबईकडे जाणाऱ्या एका कारची झडती घेण्यात आली. या वेळी पोलिसांना पिस्तुलासह पाच जिवंत काडतुसे मिळून आली.

याप्रकरणी पोलिसांनी अफसर मेहबूब कुरेशी (वय ३९), नसरुद्दीन निजामुद्दीन खान (वय ४८) आणि साजिद लायक कुरेशी (वय ४३, सर्व राहणारे कुर्ला) यांना अटक केली. त्यांच्याकडून दोन आयफोन, १४ हजार रोख, पाच लाख रुपये किमतीची कार असा एकूण ६ लाख ४९ हजारांचा मुद्देमाल जप्त करण्यात आला असून, तीनही आरोपींवर गुन्हा दाखल आहे.