कांदिवलीत मराठी गझल सोहळा

कांदिवलीत मराठी गझल सोहळा
मालाड, ता. १८ (बातमीदार) : मराठी भाषेला अभिजात भाषेचा दर्जा मिळाल्याच्या निमित्ताने गझलकार भागवत बनसोडे, सुनील ओवाळ, गौतम सकपाळ यांच्या दर्जेदार गझलांची संगीत मैफल ‘मराठी गझल सोहळा’ शनिवारी (ता. २९) सायंकाळी सहा वाजता समता विद्यामंदिर सभागृह, डॉ. बाबासाहेब आंबेडकर उद्यान, समता नगर, कांदिवली पूर्व येथे आयोजित करण्यात आली आहे. विशेष म्हणजे गझलसम्राट सुरेश भटांनी गझलरत्न उपाधी दिलेले आंतरराष्ट्रीय कीर्तीचे गझल गायक व संगीतकार रविराज नासेरी यांनी स्वरबद्ध केलेल्या मराठी गझला स्वतः रविराज नासेरी व स्वरा सुनील सादर करणार आहेत. या सोहळ्यासाठी प्रवेश मोफत असून, गझल रसिकांनी उपस्‍थित रहावे, असे आवाहन आयोजकांनी केले आहे.