९५५ विद्यार्थ्यांना आरटीईतून प्रवेश

९५५ विद्यार्थ्यांना आरटीईतून प्रवेश
Published on: 

सकाळ वृत्तसेवा
ठाणे, ता. १२ : आरटीईअंतर्गत प्रवेश प्रक्रियेची दुसरी प्रतीक्षा यादी नुकतीच जाहीर झाली आहे. या यादीत ठाणे जिल्ह्यातून ९५५ विद्यार्थ्यांची निवड झाली असून १५ एप्रिलपर्यंत प्रवेश घेण्यासाठी मुदत देण्यात आल्याची माहिती शिक्षण विभागाने दिली आहे.
ठाणे जिल्ह्यात ११ हजार ३२२ जागांसाठी २५ हजार ७७४ विद्यार्थ्यांचे अर्ज प्राप्त झाले होते. त्यापैकी १० हजार ४२९ विद्यार्थ्यांची निवड करण्यात आली होती; परंतु निवड झालेल्या विद्यार्थ्यांपैकी केवळ सहा हजार ७१३ विद्यार्थ्यांनीच प्रवेश निश्चित केले. त्यामुळे उर्वरित जागांसाठी प्रतीक्षा यादीतील मुलांना संधी देण्यात आली. त्यानुसार, पहिल्या प्रतीक्षा यादीमध्ये दोन हजार ७०५ विद्यार्थ्यांची निवड झाली. त्यापैकी केवळ एक हजार १८२ विद्यार्थ्यांनी प्रवेश घेतल्याने उर्वरित जागांसाठी ८ एप्रिल रोजी आरटीईची दुसरी प्रतीक्षा यादी जाहीर करण्यात आली. या यादीत ९५५ विद्यार्थ्यांची निवड करण्यात आली आहे. या विद्यार्थ्यांना शाळेत प्रवेश घेण्यासाठी १५ एप्रिलपर्यंत मुदत देण्यात आली आहे. प्रतीक्षा यादीतील मुलांच्या पालकांनी अलोटमेंट लेटर आणि आवश्यक कागदपत्रे घेऊन विहित मुदतीत पडताळणी केंद्रावर जाऊन पडताळणी समितीकडून कागदपत्रांची तपासणी करून ऑनलाइन प्रवेश निश्चित करावा, असे आवाहन प्राथमिक शिक्षणाधिकारी बाळासाहेब राक्षे यांनी केले आहे.
----------------------------------------
येथे संपर्काचे आवाहन
- आरटीईची दुसरी प्रतीक्षा यादी ८ एप्रिलला जाहीर झाली असून यामध्ये ९५५ विद्यार्थ्यांची निवड करण्यात आली आहे. ८ एप्रिल ते १० एप्रिल या तीन दिवसांच्या कालावधीत ९५५ विद्यार्थ्यांपैकी ८६ विद्यार्थ्यांचे प्रवेश निश्चित झाले आहेत.
- दुसऱ्या प्रतीक्षा यादीत निवड झालेल्या विद्यार्थ्यांच्या पालकांना संदेश पाठविण्यात आले आहेत; पण आरटीईच्या अधिकृत संकेतस्थळावर ‘अर्जाची स्थिती’ या टॅबवर मुलांचा अर्ज क्रमांक टाकून अर्जाची स्थिती पाहावी, तसेच दिलेल्या सूचनांचे अवलोकन करावे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com