आरटीईकडे पालकांची पाठ!

आरटीईकडे पालकांची पाठ!
Published on: 

सकाळ वृत्तसेवा
ठाणे, ता. २० : समाजातील दुर्बल घटकातील बालकांना उच्च दर्जाचे शिक्षण घेता यावे, यासाठी आरटीईअंतर्गत २५ टक्के जागा राखीव ठेवण्यात येतात. त्यानुसार २०२५-२६ वर्षाकरिता आरटीई प्रवेश प्रक्रिया राबविण्यात आली. यामध्ये ठाणे जिल्ह्यातील ६२७ शाळांमधील ११ हजार ३२२ जागांवर प्रवेश प्रक्रिया राबविण्यात आली. या जागांसाठी प्राप्त झालेल्या २५ हजार अर्जांपैकी चार टप्प्यांत १४ हजार विद्यार्थ्यांची निवड करण्यात आली. या १४ हजार ४१२ विद्यार्थ्यांपैकी केवळ आठ हजार ४९६ विद्यार्थ्यांचे प्रवेश निश्चित झाले आहेत. उर्वरित पाच हजार ९१६ विद्यार्थ्यांनी अद्याप प्रवेश घेतलेला नसल्याचे आकडेवारीतून दिसून येत आहे. त्यामुळे आरटीई प्रवेश प्रक्रियेकडे पालकांनी पाठ फिरविल्याचे दिसून येत आहे.

समाजातील वंचित, दुर्बल घटकांतील मुलांना उत्तम दर्जाचे शिक्षण मिळावे, यासाठी शिक्षण हक्क कायदा (आरटीई) अंतर्गत २५ टक्के जागांसाठी प्रवेश प्रक्रिया राबविली जाते. २०२५-२६ या शैक्षणिक वर्षासाठी मागील चार महिन्यांपासून प्रवेश प्रक्रिया सुरू आहे. ठाणे जिल्ह्यातील ६२७ शाळांतील ११ हजार ३२२ जागांवर आरटीई प्रक्रिया राबविण्यात येत आहे. या प्रवेश प्रक्रियेला १४ जानेवारीपासून सुरुवात झाली असून, २५ हजार ७७४ विद्यार्थ्यांचे अर्ज प्राप्त झाले होते. यातून सुरुवातीला १० हजार ४२९ विद्यार्थ्यांची निवड करण्यात आली. या विद्यार्थ्यांचे प्रवेश घेण्यासाठी तीन वेळा मुदतवाढ देऊनही केवळ सहा हजार ७०६ विद्यार्थ्यांचे प्रवेश निश्चित झाले. त्यानंतर उर्वरित जागांसाठी टप्प्याटप्प्याने तीन प्रतीक्षा याद्या जाहीर करण्यात आल्या होत्या; परंतु प्रतीक्षा यादीत निवड झालेल्या विद्यार्थ्यांनीदेखील प्रवेश प्रक्रियेला समाधानकारक प्रतिसाद दिला नाही.

तीन प्रतीक्षा याद्यांमधून एकूण तीन हजार ९८३ विद्यार्थ्यांची निवड करण्यात आली होती. त्यापैकी केवळ एक हजार ७९१ विद्यार्थ्यांचे प्रवेश निश्चित झाले आहेत. प्रतीक्षा यादीत निवड झालेल्या विद्यार्थ्यांनादेखील एक ते दोन वेळा मुदतवाढ देण्यात आली होती.


प्रवेश निश्चित झालेल्या विद्यार्थ्यांची संख्या
यादी निवडलेले विद्यार्थी प्रवेश निश्चित झालेले विद्यार्थी
नियमित यादी १०,४२९ ६,७०५
पहिली प्रतीक्षा यादी २,७०५ १,१८५
दुसरी प्रतीक्षा यादी ९५५ ४६४
तिसरी प्रतीक्षा यादी ३२३ १४२
एकूण १४,४१२ ८,४९६

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com