सुरेश भोईर यांचा उबाठा पक्ष प्रवेशाचा भाजपावर शून्य प्रभाव – शक्तिवान भोईर

पक्षाकडून उमेदवारीची शाश्वती नसल्यानेच पक्षबदल
सुरेश भोईर यांच्या ठाकरे गटात प्रवेशावर शक्तिवान भोईर यांची टीका
कल्याण, ता. २२ (वार्ताहर) : टिटवाळा येथील माजी नगरसेवक सुरेश भोईर यांनी मोठा गाजावाजा करून ठाकरे पक्षात प्रवेश केला. मात्र, त्यांच्या या प्रवेशाने भाजपवर काही परिणाम झाला नसल्याची टीका भाजप टिटवाळा मंडळ अध्यक्ष शक्तिवान भोईर यांनी केली आहे.
सुरेश भोईर यांनी शुक्रवारी (ता. २२) ठाकरे गटात प्रवेश करताना भाजपा आणि त्यांच्यामुळेच टिटवाळा येथे भाजपाचे नगरसेवक निवडून येतात, असे अप्रत्यक्ष म्हंटले होते. गेल्यावेळी त्यांनी महानगरपालिकेची निवडणूक लढवली होती आणि त्यात त्यांना लोकांनी किती मते देऊन स्विकारले होते हे टिटवाळा परिसरातील नागरिकांना माहित आहे. त्यामुळे खोटी माहिती पसरविण्यात येत असल्याचे शक्तीवान भोईर यांनी सांगितले. मागच्या निवडणुकीतील पराभवाचा विचार करता पक्षाकडून उमेदवारी मिळणार नसल्याचा विश्वास असल्याने सुरेश भोईर यांनी ठाकरे गटात प्रवेश केला आहे, असे म्हणत शक्तिवान भोईर यांनी त्यांना शुभेच्छा दिल्या आहेत.