Railway News: डेक्कन, डेक्कन क्वीन एक्स्प्रेस आज रद्द!

Pune News: पुणे-लोणावळा रेल्वे मार्गावर रविवारी (ता. ९) कामशेत ते तळेगाव दरम्यान पुलाचे काम केले जाणार आहे. यासाठी रेल्वे प्रशासनाने मेगा ब्लॉक घेतला असून, त्याचा परिणाम रेल्वे वाहतुकीवर होणार आहे. पुणे-मुंबई-पुणे दरम्यान धावणाऱ्या डेक्कन क्वीन, डेक्कन एक्स्प्रेस या गाड्या रद्द करण्यात आल्या आहेत.

तर पुणे-लोणावळा दरम्यान सहा लोकलची सेवा रद्द करण्यात आली आहे. त्यामुळे रविवारी प्रवाशांना मोठा फटका बसणार आहे.
पुणे-लोणावळा मार्गावर कामशेत-तळेगाव दरम्यान असलेल्या पूल क्रमांक १५४/१ येथे लोखंडी गर्डर काढून त्याजागी आरसीसीचे सहा सेगमेंटल बॉक्स बसविले जाणार आहे. या कामासाठी मेगा ब्लॉक घेण्यात आला आहे.

‘या’ लोकल रद्द...
०१५६४ पुणे-लोणावळा
०१५६१ लोणावळा-पुणे
०१५६३ लोणावळा-शिवाजीनगर
०१५६६ पुणे-लोणावळा
०१५८८ शिवाजीनगर-तळेगाव
०१५८९ तळेगाव-पुणे

‘या’ गाड्या उशिराने धावणार...
चेन्नई-मुंबई सुपरफास्ट एक्स्प्रेस - साडेतीन तास
मुंबई-चेन्नई सुपरफास्ट एक्स्प्रेस - ३० मिनिटे
लोकमान्य टिळक टर्मिनस-काकीनाडा पोर्ट एक्स्प्रेस - १५ मिनिटे
तिरुअनंतपुरम मुंबई-एक्स्प्रेस - १५ मिनिटे
दौंड-इंदूर एक्स्प्रेस - १५ मिनिटे