ठाणे : मुंबई महानगरपलिकेतील मालाड पश्चिम येथील काँग्रेसच्या माजी नगरसेविका सलमा आलमेलकर तसेच मानखुर्द शिवाजीनगर येथील समाजवादी पक्षाच्या माजी नगरसेविका आयेशा नूरजहान रफिक शेख यांनी रविवारी ठाण्यात एका कार्यक्रमात शिवसेना पक्षात (शिंदे गट) उपमुख्यमंत्री एकनाथ शिंदे यांच्या उपस्थितीत जाहीर प्रवेश केला. दरम्यान, शिंदे यांनी मुस्लिम समाजातील दोन लाडक्या बहिणी शिवसेनेमध्ये प्रवेश करत आहेत ही आनंदाची बाब आहे, असे मत याप्रसंगी बोलताना व्यक्त केले.