Crime News: सलमान खान गोळीबार प्रकरणी दोघांना ३० एप्रिलपर्यंत पोलीस कोठडी

Mumbai News : अभिनेता सलमान खानच्या घराबाहेर झालेल्या गोळीबार प्रकरणी पोलिसांनी सोनू कुमार बिश्नोई (३७) आणि अनुज थापनपन (३२) या दोघांना अटक केली असून त्यांना ३० एप्रिल पर्यंत न्यायालयाने पोलीस कोठडीची शिक्षा सुनावली आहे. दरम्यान विकी गुप्ता (२४), सागर पाल (२१) तसेच सोनू कुमार व अनुज यांच्यासह गँगस्टर लॉरेन्स बिश्नोई यांच्याविरुद्ध मकोकाच्या तरतुदी लागू करण्यात आल्या आहेत.

अभिनेता सलमान खानच्या मुंबईतील गॅलेक्सी अपार्टमेंबाहेर दोन जणांनी गोळीबार केला होता. या प्रकरणी दोन आरोपींना गुजरातमधील भुज येथून अटक करण्यात आले. तसेच इतर आरोपींना पंजाब येथून अटक करण्यात आली.

मुंबई पोलिसांनी याप्रकरणी आरोपी विरोधात महाराष्ट्र संघटित गुन्हेगारी नियंत्रण कायद्याच्या (मकोका) तरतुदी लागू केल्या आहेत. दरम्यान रिमांड संपल्यावर आरोपीना ३० एप्रिल रोजी न्यायालयात पुन्हा सादर केले जाणार आहे.