Ulhasnagar Fire Accident : उल्हासननगरात आयसीआयसीआय बँकेच ATM आगडोंबित जळून खाक

उल्हासनगर -लागलेल्या आगडोंबित आयसीआयसीआय बँकेची एटीएम पूर्णपणे जळून खाक झाल्याची घटना आज दुपारी उल्हासनगरात घडली. कॅम्प नंबर 4 येथील शासकीय प्रस्तुतीगृहाच्या बाजूला आयसीआयसीआय बँकेची एटीएम असून त्यास अचानकपणे दुपारच्या सुमारास आग लागली.

अग्निशमन दलाचे मुख्य अधिकारी बाळू नेटके यांना ही माहिती समजताच,अग्निशमन दलाचे नितीन(बंड्या)गुजर,विकास जाधव,किरण मोरे,समीर घोरपडे,अविनाश राठोड यांनी धाव घेऊन पाईपाने पाण्याची फवारणी करून आग आटोक्यात आणली. मात्र तोपर्यंत एटीएमची यंत्रणा जळून खाक झाली होती.हे एटीएम बाजारपेठेच्या मुख्य रोडवर असल्याने आग विझेपर्यंत रस्ता बंद करण्यात आला होता.

ही आग नेमक्या कोणत्या कारणास्तव लागली हे निश्चित सांगता येत नसले तरी उन्हाचा पारा वाढल्याने ही आग शॉर्ट सर्किटने लागण्याची शक्यता अग्निशमन दलाचे मुख्य अधिकारी बाळू नेटके यांनी व्यक्त केली.