नगरविकास मंत्री एकनाथ शिंदे यांच्या गाडीला अपघात; हाताला किरकोळ दुखापत

ठाणे  -   नवी मुंबई वाशीहून मुंबईच्या दिशेने जात असताना, अन्य दोन वाहनांची एकमेकांचा अपघात झाला होता. त्याचवेळी नगरविकास मंत्री एकनाथ शिंदे यांच्या गाड्यांचा ताफा देखील त्याच रस्त्याने मुंबईच्या दिशेला जात असताना, ताफ्यातील पुढील दोन वाहनांनी अचानक ब्रेक लावल्याने, त्यांची गाडी ताफ्यातील त्यांच्या वाहनाच्या पुढच्या वाहनाला जाऊन आदळली. या घटनेत नगरविकास मंत्री शिंदे यांचा हाताला किरकोळ मार लागला असल्याची माहिती सूत्रांनी दिली.

ठाणे, नवी मुंबई परिसरातील बातम्यांचा आढावा घेण्यासाठी येथे क्लिक करा

    नगरविकास मंत्री एकनाथ शिंदे हे गुरुवारी नवी मुंबई येथील कार्यक्रम संपवून वशीमार्गे मुंबईला जात होते. त्यावेळी वाशी टोल नाका येथे अन्य दोन वाहनांचा अपघात झाला. त्याच रस्त्याने शिंदे यांच्या गाड्यांचा ताफा जात असताना, त्यांच्या ताफ्यातील त्यांच्या वाहनाच्या पुढील दोन वाहनांच्या निदर्शनास आल्यानंतर त्यांनी तत्काळ ब्रेक लावला. त्याचवेळी पाठी मागे असलेली शिंदे यांची गाडी पुढील वाहनाला धडकली. या धडकेत शिंदे यांच्या हाताला किरकोळ मार लागला असून ते सुखरूप असल्याची माहिती त्यांच्या निकटवर्तीयांनी दिली.

Urban Development Minister Eknath Shindes car crashed Minor hand injury

----------------------------------------------

( संपादन - तुषार सोनवणे ).