Vande Bharat Express : खुशखबर आता मुंबईत 'वंदे मेट्रो' लोकल धावणार!

मुंबई : मुंबईरांचा लोकल प्रवास आरामदायी करण्यासाठी आणि अपघात कमी करण्यासाठी भारतीय रेल्वेने वंदे भारतचा धर्तीवर आता वंदे मेट्रो सुरु करण्याचा निर्णय भारतीय घेतला आहे. शुक्रवारी मुंबई रेल्वे विकास महामंडळाच्या एमयूटीपी प्रकल्पातंर्गत २३८ वंदे मेट्रो (उपनगरी) बांधणीला रेल्वे मंडळाने मंजुरी दिलेली आहे. याबाबतचे पत्र रेल्वे मंडळाने मुंबई रेल्वे विकास महामंडळाला शुक्रवारी पाठवले.

मेड इन इंडिया अंतर्गत तयार करण्यात आलेल्या वंदे भारत ट्रेन हिट ठरली आहे. आता त्याच पाठोपाठ रेल्वे बोर्डाने वंदे भारत मेट्रो ट्रेनची बांधणी सुरु करण्यात आली आहे. या वर्षीचा डिसेंबरपर्यत वंदे मेट्रो ट्रेन प्रवाशांचा सेवेत दाखल होती. केंद्रीय रेल्वे मंत्री अश्विनी वैष्णव यांनी १ फेब्रुवारी २०२३ रोजी शहरांतर्गत प्रवासासाठी वंदे मेट्रो संकल्पनांना जाहीर केली होती.

याशिवाय मध्य रेल्वेच्या मुंबई विभागाचे विभागीय व्यवस्थापक रजनीश गोयल यांनी नुकताच सांगितले की, रेल्वे बोर्ड शहरात वंदे भारत प्रकारच्या लोकल गाड्या चालविण्याच्या शक्यतेचा विचार करत आहे. आता रेल्वे बोर्डाने वंदे भारतचा धर्तीवर आता वंदे मेट्रो सुरु करण्याचा निर्णय घेतला आहे. ह्या वंदे मेट्रोल उपनगरील लोकल सेवा म्हणून चालविण्यात येणार आहे.रेल्वे बोर्डाने मंजूर केलेल्या एमयुटीपी ३ आणि एमयुटीपी ३ अ अंतर्गत २३८ वंदे मेट्रो लोकलची खरेदी मुंबई रेल्वे विकास महामंडळाकडून करण्यात येणार आहे.

कारेशड उभारणार-

वातानुकूलित लोकलच्या देखभालीसाठी मुंबई महानगर प्रदेशात दोन नवे कारशेड उभारण्यात येणार असून यासाठी जागेची निश्चिती करण्यात आलेली आहे. मेक इन इंडिया मार्गदर्शक तत्त्वांच्या आधारे तंत्रज्ञान भागीदाराद्वारे वातानुकूलित लोकलची बांधणी करण्यात येणार आहे.

सर्व लोकल होणार वंदे मेट्रो-

मुंबई रेल्वे विकास महामंडळाच्या मुंबई शहरी परिवहन प्रकल्पात (एमयूटीपी) मुंबईकरांच्या आरामदायी प्रवासासाठी एकूण २३८ वातानुकूलित लोकल बांधण्याचे प्रस्तावित आहे. यात एमयूटीपी-३ मधील ४७ आणि एमयूटीपी-३ अ मधील १९१ वातानुकूलित लोकलचा समावेश आहे. आता या सर्व लोकल वंदे मेट्रो असणार आहे.

रेल्वे बोर्डाने मंजूर केलेल्या मुंबई शहरी परिवहन प्रकल्पात (एमयूटीपी) अंतर्गत २३८ रेक एमआरव्हीसीकडून खरेदी केली जाईल. खरेदी संपूर्ण ३५ वर्षांसाठी रेकच्या देखभालीच्या आवश्यकतेसह असेल.

- सुनील उदासी, मुख्य जनसंपर्क अधिकारी, मुंबई रेल्वे विकास महामंडळ