इथे नोकरी मिळेल : मेट्रो प्रकल्पामध्ये आहेत रोजगाराच्या संधी, जाणून घ्या डिटेल्स...

मुंबई : मेट्रो 3 या प्रकल्पामध्ये भुयारी स्थानके, बोगद्यामध्ये कुशल, अकुशल कामगारांचा तुटवडा जाणवत आहे. हा तुटवडा भरून काढण्यासाठी  मुंबई मेट्रो रेल कॉर्पोरेशन लिमिटेडने (एमएमआरसीने) पुढाकार घेतला असून कंत्राटदारांमार्फत राज्यातील कुशल, अकुशल कामगारांसाठी 5637 रोजगाराच्या संधी उपलब्ध केल्या आहेत. यामध्ये गवंडी, सुतारकाम, फिटर (स्टील आणि बार फिक्सिंग), वेल्डर, इतर (वायरमन) आणि अकुशल कामगार, रिगर, पाईप फिटर आणि क्रेन ऑपरेटर अशा नऊ विभागात या जागा उपलब्ध आहेत.  

BIG NEWS - यंदाच्या दंहीहंडी संदर्भात भाजपनेते राम कदम यांची मोठी घोषणा; वाचा काय म्हणाले ते... 

कोरोनाचे संकट अधिक गडद होऊ लागल्यानंतर देशभरात संचारबंदी लागू करण्यात आली. मात्र या कालावधीत वाढ झाल्यानंतर अनेक कामगार विविध मार्गांनी मुंबई सोडण्यास सुरुवात केली. परिणामी मुंबई महानगर क्षेत्रातील मेट्रो प्रकल्पांसह विविध विकासकामांना ब्रेक लागण्यास सुरुवात झाली असून कंत्राटदारही चिंतेत आहेत. यामुळे एमएमआरसीतर्फे नऊ विभागांमध्ये एकूण  5637  जागांसाठी जाहिरात प्रसिद्ध करण्यात आली आहे. यामध्ये स्थापत्य कामात भुयारी मेट्रो स्थानकामध्ये स्लॅब, कॉलम, कॉक्रिटीच्या भिंती, जिने आणि इतर कामांचा समावेश आहे. या कामांसाठी लोखंडी सळीची बांधणी (फिटर्स), ढाच्याची बांधणी करण्यासाठी (कारपेंटर्स) तसेच काँक्रीट करण्यासाठी कुशल कामगारांची गरज आहे. खोदकाम, साफसफाई व इतर कामांसाठी अकुशल कामगारांची आवश्यकता भासणार आहे.

BIG NEWS - 'या' ९ प्रकारच्या कर्मचाऱ्यांनाही लोकल प्रवासाची परवानगी द्या; खासदार अरविंद सावंत यांची मुख्यमंत्र्यांकडे मागणी..

या जागांसाठी  कामगारांनी एमएमआरसीतर्फे नियुक्त करण्यात आलेल्या कंत्राटदारांना संपर्क साधायचा आहे. तसेच आवश्यक अर्हता, अनुभव नसलेल्या अकुशल कामगारांना एक महिन्याचे प्रशिक्षण देण्यात येणार असल्याचे स्पष्ट करण्यात आले आहे. इच्छुक कामगारांनी नेमून दिलेल्या कंत्राटदारांना संपर्क साधण्याचे आवाहन करण्यात आले आहे. तसेच श्रमिक छावण्या उभारत त्यांच्या राहण्याची आणि जेवणाची व्यवस्था करण्यात आली आहे. 

उपलब्ध जागा

• गवंडी : 277
• सुतारकाम : 804 
• फिटर (स्टील फिक्सिंग आणि बार फिक्सिंग) : 2038  
• वेल्डर : 163
• इतर (वायरमन) : 59 
• अकुशल कामगार : 1877   
• रिगर : 312
• पाईप फिटर : 58
• क्रेन ऑपरेटर : 49 

various jobs available in mumbai metro rail corporation check details