मुंबईतील प्रभागांत होणार 'मुंबई फुड स्ट्रीट'; आयुक्तांच्या कल्पना प्रत्यक्षात उतरविण्यासाठी २०० कोटी

मुंबई, ता.18 : प्रभागातील सहाय्यक आयुक्तांच्या कल्पना प्रत्यक्षात उतरविण्यासाठी आगामी वर्षात तब्बल 200 कोटी रुपयांचा निधी राखून ठेवण्यात आला आहे. चालू वर्षापेक्षा तब्बल चारपटीने या निधीत वाढ करण्यात आले आहे.

प्रभागात 'मुंबई फुड स्ट्रीट' सुरु करण्यासही निधी दिला जाणार आहे. मुंबई महानगर पालिकेच्या 24 प्रभागातील सहाय्यक आयुक्तांच्या कल्पनेतील प्रकल्प राबविण्यासाठी दरवर्षी अर्थसंकल्पात निधी राखून ठेवला जातो. चालू वर्षात 50 कोटी रुपयांचा निधी राखीव ठेवण्यात आला होता. मात्र, कोविडमुळे हा निधी फारसा वापरला गेला नाही. आगामी वर्षात तब्बल 200 कोटी रुपयांचा निधी राखून ठेवण्यात आला आहे.

हेही वाचा - यंदा हिंदमाता तुंबणार नाही? पावसाळ्यापूर्वी पालिका करणार 'हे' काम

या निधीतून पदपथ, वाहतुक बेटे तसेच उड्डाणपुलाखालील भागाच्या सुशोभीकरणासाठी अनोखी कल्पना साकारण्यात येणार आहे. तसेच, सहाय्यक आयुक्तांच्या कल्पनेतील इतर काही अभिनव प्रकल्पही साकारण्यास हा निधी वापरता येणार आहे.

फुड ट्रकही येणार

मुंबईतील पर्यटन केंद्रावर फुड ट्रक सुरु करण्याचा निर्णयही महानगर पालिकेने घेतला आहे.  त्यासाठी धोरणही तयार करण्यात आले होते. मात्र, कोविडमुळे हे धोरणही मागे पडले.

महत्त्वाची बातमी : भारतातील कुपोषणाचा रिपोर्ट धक्कादायक ! राष्ट्रीय पोषण आहार सर्वेक्षणातून धक्कादायक माहिती आली समोर

खाऊगल्ल्या हा मुंबईच्या संस्कृतीचा भाग आहे. प्रत्येक प्रभागात अशा खाऊ गल्ल्या अस्तीत्वात आहेत. या खाऊ गल्ल्याचे नियोजन करणे, स्वच्छता राखणे यासाठीही हा निधी वापरता येणार आहे. पालिकेच्या फेरीवाला धोरणाअंतर्गत खाऊ गल्ल्याचे नियोजन करण्यात येणार आहे. यात, रात्रीचा बाजार अशीही संकल्पना आहे. रात्रीच्या वेळीही आठवड्यातील काही दिवस या खाऊ गल्ल्या सुरु ठेवण्यात येणार आहेत. कोविडपूर्व काळात मुंबईतील काही भागातील मॉलमध्ये असा प्रयोग करण्यात आला होता. मात्र,कोविड काळात हा प्रयोग बंद झाला होता.

in various wards of mumbai food street will be created extra 200 crore budget