...तर देशव्यापी लॉंग मार्च काढू! ओला, उबेर आदी कंपन्यांविरोधात वाहन चालक-मालकांचा संताप

मुंबई : मुंबई महानगर प्रदेशात सुमारे 40 हजार ऍपबेस्ड ओला-उबर चालक-मालक असून त्यांच्या दैनंदिन समस्यांचा लढा अद्याप संपलेला नाही. यासंदर्भात लवकरच मुख्यमंत्री उद्धव ठाकरे यांची भेट घेऊन त्यांच्या समस्या मार्गी लावणार आहे; मात्र अन्य राज्यांमधील ओला-उबरसंबंधित विविध समस्यांबाबत केंद्रीय रस्ते वाहतूक व महामार्ग मंत्रालयाला निवेदन दिल्यानंतरही त्याची दखल घेतली जात नसेल, तर देशव्यापी लॉंग मार्च काढावा लागेल, असा इशारा कामगार नेते सचिन अहिर यांनी दिला आहे. 

संतापजनक - स्वयंपाक न केल्याने बायकोची हत्या! वाचा संपुर्ण घटना

देशातील सुमारे 11 राज्यांतील ऍपबेस्ड ओला-उबर चालक-मालक संघटनांनी एकत्र येऊन इंडियन फेडरेशन ऑफ ऍपबेस्ड ट्रान्सपोर्ट वर्कर्स या नवीन संघटनेची स्थापना केली असून या संघटनेच्या मुंबईत आयोजित पहिल्या दोन दिवसीय राष्ट्रीय परिषदेचे उद्‌घाटन केल्यानंतर ते बोलत होते. या परिषदेच्या कार्यक्रमातच सचिन अहिर यांनी संघटनेची घोषणादेखील केली.

धक्कादायक मुंबईतल्या हॉटेलमध्ये जात असाल तर सावधान
वाचा संपुर्ण बातमी 

मुंबईसह देशाच्या अनेक प्रांतामध्ये ऍपबेस्ड ओला, उबर, स्वीगीसह अनेक खासगी वाहन सेवा सुरू आहेत. या कंपन्यांकडून चालक, मालकांचे शोषण सुरू असल्याने अशा प्रश्‍नांवर आता राष्ट्रीय स्तरावर आवाज बुलंद करण्याची गरज असल्याचे अहिर यांनी सांगितले. परिषदेच्या पहिल्या सत्राच्या कार्यक्रमाच्या अध्यक्षस्थानी शिवसंग्राम संघटनेचे प्रमुख उदय आंबोळकर होते. या वेळी एचएमएसचे राजा श्रीधर, इंटकचे जगदीश राज, आंतरराष्ट्रीय संघटनेचे बिजू मॅथ्यू, संगम त्रिपाठी, निवृत्ती देसाई, सुनील बोरकर, प्रशांत सावडावकर, राजेंद्र गिरी, काशिनाथ माटल आदी मान्यवर उपस्थित होते.