महालक्ष्मी येथे लवकरच पशुवैद्यकीय रुग्णालय

मुंबई ः महापालिका महालक्ष्मी येथे पशुवैद्यकीय रुग्णालय सुरू करणार आहे. टाटा समूहातर्फे बांधल्या जाणाऱ्या या रुग्णालयाला शनिवारी (ता. २१) सुधार समितीने मंजुरी दिली. महालक्ष्मी येथे ऑर्थर रोड तुरुंगामागे सुमारे ३६९१.४० चौरस मीटर भूखंडावर महापालिकेचे श्‍वान नियंत्रण कार्यालय आहे. तेथे वेल्फेअर ऑफ स्ट्रे डॉग्ज या खासगी संस्थेचे प्राणी प्रजनन नियंत्रण केंद्रही कार्यरत आहे.

महत्वाचे कमळाच्या फुलांची प्रदूषणावर मात

या भूखंडासहित ३९४६ चौरस मीटर क्षेत्रावर ३०० ते ४०० प्राण्यांची क्षमता असलेले अद्ययावत पशुवैद्यकीय रुग्णालय बांधण्यात येत आहे. ‘बांधा, वापरा आणि हस्तांतरित करा’ तत्त्वावर बांधण्यात येणाऱ्या या रुग्णालयासाठी सर दोराबजी टाटा ट्रस्टने पुढाकार घेतला आहे. महापालिकेच्या जागेवर टाटा पशुवैद्यकीय रुग्णालयाची इमारत उभी राहणार आहे. ही जागा ३० वर्षांच्या कराराने टाटा समूहाला देण्यात आली असून, रुग्णालयाची मालकी महापालिकेकडेच राहील. त्यासाठी आवश्‍यक यंत्रणा टाटा समूह खरेदी करणार आहे. महापालिकेच्या दरांनी प्राण्यांवर उपचार करण्याची अट सामंजस्य करारात असेल असे सांगण्यात आले.

धक्कादायक अल्पवयीन आरोपी मुलीवर बलात्कार

मुंबई महापालिकेकडे भटक्‍या आणि  मोकाट जनावरांच्या उपचारासाठी योग्य व्यवस्था नाही. आता टाटा समूहातर्फे बांधल्या जाणाऱ्या रुग्णालयात गरीब नागरिकांनाही पाळीव प्राण्यांवर नाममात्र दरांत उपचार करून घेणे शक्‍य होईल. त्याचप्रमाणे जखमी, आजारी आणि भटक्‍या जनावरांवर मोफत उपचार करण्यात येणार आहेत.

मास्टर लिस्टमधील रहिवाशांची संपूर्ण यादी प्रसिद्ध केली जाणार असून, त्याबाबत हरकती मागवल्या जाणार आहेत. त्याचप्रमाणे मास्टर लिस्टमधील प्रत्येक रहिवाशाला घर मिळावे, या दृष्टीने कार्यवाही केली जाईल.
- मिलिंद म्हैसकर, उपाध्यक्ष व मुख्य कार्यकारी अधिकारी, म्हाडा