Sushma Anand passed away : विजय आनंद यांच्या पत्नी सुषमा आनंद यांचे निधन

मुंबई : दिवंगत प्रसिद्ध चित्रपट निर्माते-दिग्दर्शक व अभिनेते विजय आनंद यांच्या पत्नी सुषमा आनंद यांनी आज (ता. २७) त्यांच्या राहत्या घरी अखेरचा श्वास घेतला . वयोमानामुळे सुषमा यांना काही दिवसांपासून अस्वस्थ वाटत होते .

सुषमा या त्यांच्या घरात खुर्चीवर बसल्या असताना अचानक त्यांची हालचाल बंद झालेली घरच्या मंडळींनी पाहिली. लगेच त्यांनी त्यांच्या फॅमिली डॉक्टरांना बोलावले. त्यानंतर त्यांचा मृत्यू झाला असल्याचे घोषित करण्यात आले.

हृदयविकाराने त्यांचा मृत्यू झाला असल्याचे सांगण्यात येत आहे. उद्या (ता. २८) सकाळी अकरा वाजता सांताक्रूझ येथील स्मशानभूमीमध्ये त्यांच्यावर अंतिम संस्कार करण्यात येणार आहेत.