मुंबईतील परिस्थिती नक्की कशी आहे? जाणून घ्या डॉ. ओक यांच्याकडून...
मुंबई- कोरोनाचा सर्वत्र कहर पाहायला मिळतोय. स्टेट टास्क फोर्सचे प्रमुख डॉ. संजय ओक म्हणतात की मुंबईत कोरोना संसर्गाने आपला उच्चांक पुर्ण केला आहे. सध्या मुंबईतील मृत्यूचे प्रमाण झपाट्याने वाढत असले तरी, टास्क फोर्सच्या प्रमुखांच्या म्हणण्यानुसार येत्या काळात मृत्यूदरात घट होईल.
मुंबईतील मृत्यूचे प्रमाण झपाट्याने वाढत असताना, टास्क फोर्सच्या प्रमुखांच्या म्हणण्यानुसार, नवीन घटनांची संख्या, डबलिंग रेट, रिकव्हरी रेट आणि मृत्यू दर - तीन आठवड्यांपासून सकारात्मक आहेत. तसेच, पावसाळ्यात प्रत्येक व्यक्तींनी आपली जास्त काळजी घेतली पाहिजे. त्यांनी हेही म्हटले की सध्या मुंबईतील ज्या भागात संसर्ग वाढत आहे. त्या भागात पावसाळ्यात जास्त काळजी घ्यावी लागेल.
केंद्र सरकारच्या अंदाजानुसार, मे महिन्याच्या शेवटच्या आठवड्यात मुंबईतील बाधितांचा आकडा 75,000 आकडा पार करणार होता. मात्र मे महिन्याच्या अखेरपर्यंत शहरात फक्त 39,444 रुग्णांची नोंदणी झाली आणि आणि सोमवार 22 जून रोजी 67,635 बाधितांची नोंद झाली.
अपेक्षित सर्वोच्च आकडा विचारात घेऊन डॉ ओक म्हणाले, जूनच्या पहिल्या आठवड्यात टास्क फोर्सला दिवसाला 3,000 हून अधिक प्रकरणांची अपेक्षा होती. मात्र सध्या शहरामध्ये दिवसाला एक हजार प्रकरणांपेक्षा सरासरी किंचित वाढ होत आहे. याचा अर्थ असा नाही की आपण आधीच धोक्याच्या बाहेर आहोत. तरीही शक्य तेवढ्या खबरदारी घेत आपण लढत राहिलं पाहिजे.
टास्क फोर्सनुसार, मुंबईच्या डबलिंग रेट मे महिन्याच्या पहिल्या आठवड्यात 13 च्या तुलनेत आता 37 दिवसांवर आहे. तर डॉ. ओक यांच्या मते मुंबईतील बाधितांच्या सर्वोच्च आकड्यांचा बिंदू आता पुर्ण झाला आहे. म्हणजेच मुंबईतील बाधितांचा पीक येऊन गेला आहे. आता रुग्णांच्या रिकव्हरी रेटमध्ये बरीच सुधारणा झाली आहे. हे 50 टक्के आहे आणि महिन्याच्या अखेरीस ते 70 टक्क्यांपर्यंत पोहोचण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.