ठाणे : ठाणे जिल्हा परिषदेच्या अध्यक्षपदासह पाच पंचायत समितींच्या सभापती पदाचा अडीच वर्षाचा कार्यकाल जुलै महिन्यात संपुष्टात येत आहे. त्या पार्श्वभूमीवर गुरुवारी आरक्षण सोडत जाहीर करण्यात आली. यामध्ये ठाणे जिल्हा परिषदेच्या अध्यक्षपदासह शहापूर, कल्याण आणि अंबरनाथ या तीन पंचायत समिती सभापती पदांवर महिला आरक्षण पडले आहे. त्यामुळे पुन्हा एकदा जिल्हा परिषदेसह पंचायत समितीवर महिला राज दिसून येणार आहे. 

ही बातमी वाचली का? BJP नंतर आता NCP च्या या 'बड्या' नेत्याने केली सुशांतसिंग राजपूत आत्महत्येच्या सखोल चौकशीची मागणी...

गुरुवारी ए. न. के. टी. महाविद्यालयाच्या सभागृहात आरक्षण सोडत कार्यक्रमाचे अध्यक्ष जिल्हाधिकारी राजेश नार्वेकर, उपजिल्हाधिकारी (सा.प्र.) अभिजित भांडे-पाटील, तहसीलदार (सा.प्र) राजराम तवटे आणि आमदार शांताराम मोरे यांच्या उपस्थितीत या पदांसाठीचा आरक्षण सोडत झाली. यावेळी ठाणे जिल्हा परिषदेच्या अध्यक्ष पदासाठी नागरिकांचा मागास प्रवर्ग (महिला) आरक्षण जाहीर झाले असून शहापूर पंचायत समिती सभापती पदासाठी अनुसूचित जमाती (महिला), अंबरनाथ पंचायत समिती सभापती पदासाठी अनुसूचित जमाती (महिला), पंचायत समिती मुरबाड सभापती पदासाठी नागरिकांचा मागास प्रवर्ग, पंचायत समिती कल्याण सभापती पदासाठी सर्वसाधारण महिला आणि पंचायत समिती भिवंडी सभापती पदासाठी सर्वसाधारण असे आरक्षण जाहीर करण्यात आले.

ही बातमी वाचली का? बोंबला! बेस्ट कर्मचाऱ्यांना पगारात मिळाली नुसती 'चिल्लर'! वाचा सविस्तर

दरम्यान, राजकीय पक्षांच्या प्रतिनिधींच्या उपस्थितीमध्ये मर्यादित स्वरुपात आरक्षण सोडत कार्यक्रम आयोजित करण्यात आला. यावेळी कोरोनाच्या पार्श्वभूमीवर, आरक्षण सोडत कार्यक्रम शासन निर्देशानुसार मर्यादित प्रतिनिधींच्या उपस्थितीत व सॅनिटायझर, सोशल डीस्टन्स या नियमाचे पालन केले.