देवनार स्मशानभूमीत मृतदेहाची विटंबना? | Sakal
sakal

बोलून बातमी शोधा

Deonar Cemetery

देवनार स्मशानभूमीत मृतदेहाची विटंबना?

मानखुर्द - देवनार स्मशानभूमीमध्ये गुरुवारी (ता. ९) एका मृतदेहाला अग्नी दिला. चीता पेटली व थोड्याच वेळात पावसाला सुरुवात झाली. त्यामुळे चीता विझून मृतदेहाची विटंबना होण्याची भीती मृताच्या नातेवाईकांना वाटू लागली. स्मशानभूमीतील कर्मचाऱ्यांनी त्या चितेवर पावसाचे पाणी पडून ती विझू नये यासाठी वरुन आच्छादन लावले. पालिकेच्या नियोजनशून्य गलथान कारभारामुळे मान्सून आला तरी शेडचे काम अर्धवट राहिल्याचा आरोप स्थानिक करत आहेत. दुसरीकडे पालिकेचे अधिकारी मृताच्या कुटुंबीयांचा हट्ट यासाठी जबाबदार असल्याचे सांगत आहेत.

सहा दाहिन्यांपैकी चार वापरात आहेत तर दोन दाहिन्यांच्या वरील छताचे पत्रे बदलण्याचे काम सुरू आहे. त्याठिकाणी अग्निरोधक पत्रे बसवण्यात येत आहेत. त्यामुळे अगोदरचे पत्रे काढण्यात आले आहेत. मृतदेह अंत्यविधीसाठी घेऊन येणाऱ्या कुटुंबीयांचा बऱ्याचदा अट्टाहास असतो की ज्या दाहिनीवर त्यांच्या कुटुंबातील अगोदरच्या मृत व्यक्तीचा अंत्यविधी झाला असेल तिथेच आणलेल्या मृतदेहाचा अंत्यविधी व्हावा. रात्री पण कुटुंबीयांना थोडा वेळ वाट पाहण्यास सांगितले होते. परंतु त्यांनी कुणालाही न जुमानता छत नसलेल्या दाहीनीवर अंत्यविधी करण्यास सुरुवात केली. अग्नी दिल्यावर अनपेक्षितरीत्या पावसाला सुरुवात झाली.

- चेतन पेंडसे, कार्यकारी अभियंता (आरोग्य पायाभूत सुविधा कक्ष)

Web Title: Work On Deonar Cemetery Shed Is Incomplete

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top