शुद्ध मुंबई, शांत मुंबई ! मुंबईकरांनो आता घ्या मोकळा श्वास, कारण...

मुंबई : गेल्या दोन महिन्यांपासून मुंबईत लॉकडाऊन आहे. मात्र या लॉकडाऊनच्या काळात मुंबईतल्या हवेच्या प्रदूषणाच्या मोठी सुधारणा झाल्याचं समोर आलं आहे. आज जागतिक पर्यावरण दिन आहे. यानिमित्तानं मुंबई महापालिका यंत्रणेकडे उपलब्ध नोंदींच्या आधारे जानेवारी ते मे महिन्यातील हवा प्रदूषण अहवाल प्रसिद्ध करण्यात आला आहे. या अहवालानुसार मे महिन्यात मार्च आणि एप्रिलपेक्षाही प्रदूषण पातळीत मोठी घट झाली आहे. पर्यावरणाचे रक्षण करण्यासाठी उद्योगजगताने पर्यावरणपूरक बदल घडवून आणण्याचं आवाहन या अहवालात केलं आहे.

महापालिकेनं हवा प्रदूषणासाठी कारणीभूत ठरणाऱ्या पीएम 2.5, पीएम 10, ओझोन, कार्बन मोनॉक्साइड, नायट्रोजन डायऑक्साइड यांची पातळी मोजली. वायू वैविध्य सर्वेक्षण आणि संशोधन प्रयोगशाळेच्या माध्यमातून तसेच सफर-मुंबई या प्रदूषण मोजणाऱ्या प्रणालीच्या माध्यमातून ही निरीक्षणे नोंदवण्यात आलीत. वायू सर्वेक्षण प्रयोगशाळेच्या अखत्यारीत तीन ठिकाणी वायू सर्वेक्षण केंद्र असून, चार वाहन आधारित (मोबाइल व्हॅन) सर्वेक्षण केंद्र आहेत. तसंच सफरची नऊ स्वयंचलित हवेची गुणवत्ता मोजणारी केंद्रे मुंबईत आहेत.

मोठी बातमी - ...भारतात 'यासाठी' व्हिडिओ पाहणाऱ्यांचे प्रमाण जास्त!

जानेवारी आणि फेब्रुवारी महिन्यात बीकेसी, अंधेरी, मालाड या भागात पीएम 10ची पातळी सर्वाधिक होती. बीकेसी भागात जानेवारीमध्ये ती 205 होती. मात्र मे महिन्यात या सगळ्याच ठिकाणी हा निर्देशांक 50हून कमी नोंदवला गेला आहे. बोरिवलीमध्ये मात्र मे महिन्याचा सरासरी निर्देशांक 68 आहे. 
 
ध्वनी प्रदूषणमध्येही घट 

लॉकडाऊनमुळं पर्यावरणाचे संवर्धन होत आहे. मुंबईतील ध्वनी प्रदूषणाची पातळी खाली घसरल्याची नोंद आवाज फाऊंडेशनने केली आहे. लॉकडाऊन लागू करण्यात आल्यापासून आवाजाचा स्तर कमी नोंदविण्यात येत आहे. 

मोठी बातमी  - कोरोना आणि विविध रक्तगट, कुणाला आहे सर्वाधिक धोका? नवीन संशोधन म्हणतंय...

मार्च महिन्यात आवाजाची पातळी 52.6 डेसिबल नोंदविण्यात आली होती. एप्रिल महिन्यात आवाजाची पातळी 56.4 डेसिबल नोंदवली आहे. मे महिन्यात आवाजाची पातळी 52.9 एवढी आहे. वांद्रे आणि आसपासच्या परिसरातील आवाजाच्या पातळीची ही नोंद आहे. मात्र तरी देखील संपूर्ण मुंबईत ध्वनी प्रदूषणाचे प्रमाण कमीच राहिलं असल्याची माहिती मिळतेय.

world environment day special air quality of mumbai improved trastically due to lockdown