दारूसाठी तरुण चढला थेट विजेच्या खांबाबर...

वाडा ः तालुक्‍यातील कुडूस येथील तरुणाने आपली दारूची हौस पूर्ण करण्यासाठी विद्युतखांबावर चढून जीवाशी खेळ केल्याची घटना कुडूस येथे रविवारी (ता.१२) रात्री घडली आहे. विद्युतखांबावर चढून तरुणाने दारूची मागणी केल्याने कुडूस विभागात एकच खळबळ उडाली असून सध्या तो चर्चेचा विषय बनला आहे. 

बेकायदा मद्यविक्रीवर कारवाई करा!

रविवारी रात्री रमेश मांजे (वय २१) हा मद्यधुंद तरुण प्रियदर्शनी कंपनीशेजारील उच्च दाबाच्या विद्युतवाहिनीच्या खांबावर चढला. तो वर चढताना दारूची मागणी करत होता. मला दारू देणार असाल, तरच मी खाली येतो; अन्यथा खाली येणार नाही, असे सांगत तो खांबावर अगदी वरपर्यंत पोहोचला. हा संपूर्ण प्रकार विद्युत वितरण कंपनी कर्मचाऱ्याच्या लक्षात येताच प्रसंगावधान दाखवत त्याने तत्काळ वीजप्रवाह खंडित करून या संपूर्ण घटनेची माहिती वीज वितरण कंपनीचे सहायक अभियंता सुखलाल बोखारिया यांना दिली.

या कुख्यात गुंडाच्या वाढदिवसाच्या फलकामुळे एकच खळबळ!

त्यानंतर तत्काळ पोलिसांना या घटनेची माहिती देण्यात आली. त्यानंतर पोलिसांच्या मदतीने या तरुणास विद्युत पोलवरून सुरक्षित खाली उतरवण्यात यश आल्याने मोठा अनर्थ टळला आहे. या तरुणास समज देऊन त्याला नातेवाईकांच्या ताब्यात देण्यात आले आहे. 

या संपूर्ण प्रकाराने कुडूस विभागातील विद्युतपुरवठा तासाभरासाठी खंडित करण्यात आला होता. ही घटना रात्री ८ च्या सुमारास घडली असून कुठलीही हानी झाली नसल्याची माहिती वीज वितरण कंपनीचे सहायक अभियंता बोखारिया यांनी दिली.