आरोग्य टिप्स : दिवसभरात स्वतःला द्या वेळ...

तुमच्या व्यग्रतेत स्वतःसाठी कमीत कमी एक तास व्यायामासाठी काढणे आवश्‍यक आहे. नियमित व्यायामाने आपली रोगप्रतिकारशक्ती वाढते. रोज ४० मिनिटे पायी फिरणे व २० मिनिटे योगासने करणे शारीरिक व मानसिक आरोग्यासाठी आवश्‍यक आहे.

शरीरातील घड्याळ नियंत्रित ठेवण्यासाठी वेळेवर झोपणे, वेळेवर उठणे व वेळेवर जेवणे ही आरोग्याची गुरुकिल्ली आहे. कुठल्याही प्रकारची व्यसनाधीनता (दारू, तंबाखू, गुटखा) आरोग्यास हानिकारक आहे.

आहारात ३० टक्‍के प्रथिने, ३० टक्‍के चरबीयुक्त पदार्थ व ४० टक्‍के कार्बोदके याचा समतोल राखावा. दूध, अंडी, मासे, पनीर, फळे यांचा समावेश आहारात असल्यास रोगप्रतिकारक शक्ती वाढते.

शारीरिक आरोग्यासह मानसिक आरोग्य महत्त्वाचे, हिंसाचार, घृणा, द्वेष, राग, वादविवाद आरोग्यासाठी हानिकारक.

एखादा छंद जीवनात जोपासल्यास मानसिक आरोग्य उत्तम ठेवण्यास मदत होते. सामाजिक बांधिलकीची जाणीव ठेवून व त्यात सकारात्मक विचारांची भर घालून जीवन सुखकर होऊन आरोग्य अबाधित ठेवण्यास मदत होते.

मोठ्या पावसात शक्‍यतो घराबाहेर पडू नये.

मजेखातर पहिल्या पावसात भिजणे वेगळे; परंतु ऐन पावसाळ्यात वारंवार ओले होणे प्रकृतीच्या दृष्टीने घातक आहे.

बाहेरून आल्यावर ओले शरीर पुसून कपडे लगेच बदलावेत.

ओले झालेले केस व्यवस्थित वाळवावेत. अन्यथा दमट हवेमुळे ते नीट न वाळल्यास उवा किंवा कोंडा होण्याचा संभव असतो. तसेच सर्दी, डोकेदुखीलाही निमंत्रण मिळते.

या काळात थंड वारा वाहत असतो. त्यामुळे कानाचे, कपाळाचे रक्षण व्हावे म्हणून डोक्‍यावर स्कार्फ किंवा मफलर बांधावा.

पावसाळ्यात रात्री जागरण करू नये. दुपारी झोपू नये.