नांदेड : लॉकडाउन कालावधीत इतर व्यवसायास सलवत देण्यात आली असली तरी सलून व्यवसाय बंदचे आदेश आहेत. मार्चमधील पहिल्या लॉकडाउनपासून व्यवसाय बंद असल्याने उपासमारीची वेळ आल्याने व्यवसायास परवानगी द्या, अन्यथा बेकारी भत्ता देण्याच्या मागणीसाठी शहरातील सलून व्यावसायिकांनी जिल्हाधिकारी कार्यालयासमोर जून (ता. नऊ) धोपटी आंदोलन केले. व्यावसायीक आंदोलकांनी सलून साहित्य गळ्यात अडकवून प्रशासनाचे लक्ष वेधले. दरम्यान जमावबंदी कायद्याचे उल्लंघन केल्याने एका आंदोलकावर गुन्हा दाखल करण्यात आला.
कोरोनाची संसर्ग साखळी खंडीत करण्यासाठी लॉकडाउन कालावधीत इतर व्यावसयिकांना सोशल डिस्टन्सच्या अटीवर सवलत जारी केली आहे. महामारीच्या संसर्गाचे गांभीर्य राज्यात सलून व्यवसायावर प्रतिबंधीत आदेश जारी करण्यात आले आहेत. दरम्यान, मार्च महिन्यापासून व्यवसाय बंद असल्याने उपासमारीची वेळ आल्याने नाभीक महामंडळ संघटनेच्या वतीने प्रशासनाकडे सलून दुकानदार, कारागीरांना भत्याची मागणी करण्यात आली.
कोरोनाचे संक्रमण रोखण्यासाठी सोशल डिस्टन्सचे काटेकोर पालन करण्याचे आदेश लागू करण्यात आल्याने सलून व्यावसायिक अडचणीत सापडला आहे. मार्चपासून व्यवसाय बंद असल्याने जगण्यासाठी संघर्ष करण्याची वेळ सलून व्यावसायिकांवर आली आहे. किरायाच्या जागेतील दुकानदारांना मालकांकडून किरायाची मागणी होत नसली तरी काही दिवसात किरायाचा तगादा सुरू होणार आहे. कारागीरावर अवलंबून असलेल्या सलून व्यावसायिकांना व्यवसाय बंदच्या कालावधीत सांभाळणे कठीण झाले आहे.
लॉकडाउन कालावधीत व्यवसाय बंद असल्याने सलून व्यावसायिकांना आर्थीक संकटाशी दोन हात करत उपजिविकेचा प्रश्न निर्माण झाला आहे. व्यवसायास परवानगी देण्यात यावी अन्यथा बेकारी भत्याची मागणी नाभीक महामंडळ संघटनेच्या वतीने करण्यात आली होती. मात्र, प्रशासनाकडून मागणीची दखल घेण्यात येत नसल्याचा आरोप संघटनेच्या वतीने आंदोलनकर्त्यांनी केला आहे.
हेही वाचा -‘या’ आमदारांनी घेतली सॅनिटायझरची फवारणी हाती
सलून व्यवसायावर उपजिवीका अवलंबून असल्याने लॉकडाउन कालावधीत खबरदारीच्या उपाय योजनांच्या अटीवर इतर व्यवसायाप्रमाणे सलून व्यवसायास शासनाने परवानगी द्यावी, अन्यथा दुकानदार, कारागीरांनी दहा हजार रुपये बेकारी भत्ता देण्यात या मागणीवर ठाम नाभिक संघटनेच्या पदाधिकाऱ्यांनी जून (ता.पाच) शुक्रवारी जिल्हाधिकारी डॉ. विपीन यांच्याकडे निवेदनाद्वारे धोपटी आंदोलनाचा इशारा दिला.
संघटनेच्या मागणीची दखल घेण्यात येत नसल्याचा आरोप करत जून (ता.नऊ) मंगळवारी शहरातील सलून व्यावसायिकांनी जिल्हाधिकारी कार्यालयासमोर सलून साहित्य गळ्यात अडकून धोपटी अंदोलन केले. आपत्ती व्यवस्थापन कायद्यान्वये जमावबंदी आदेशाचे उल्लंघन करण्यात आल्याने प्रशासनाने आंदोलकांवर गुन्हा दाखल केला. वजिराबाद पोलिसांनी आंदोलकांना ताब्यात घेवून सोडून दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.