अर्धापुरात पुन्हा बिबट्याचा वावर, बकरा केला फस्त; शेतकऱ्यांत भितीचे वातावरण, खैरगाव शिवारातील घटना

लक्ष्मीकांत मुळे
Saturday, 16 January 2021

या घटनेमुळे शेतक-यात भितींचे वातावरण निर्माण झाले आहे. या परिसरात काही दिवसाच्या अंतराने पुन्हा बिबट्याचा वावर आसल्याच्या संशायामुळे शेतकरी चिंतेत आहेत.

अर्धापूर ( जिल्हा नांदेड ) : रोडगी ( ता. अर्धापूर ) शिवारातील विहिरीत बिबट्या पडल्याची घटना ताजी असतांनाच याच परिसरातील खैरगाव (जिल्हा नांदेड)  शिवारातील घटना रविवारी शनिवारी (ता. 16) सकाळी उघडकीस आली आहे. या घटनेमुळे शेतक-यात भितींचे वातावरण निर्माण झाले आहे. या परिसरात काही दिवसाच्या अंतराने पुन्हा बिबट्याचा वावर आसल्याच्या संशायामुळे शेतकरी चिंतेत आहेत. तर वनविभागाने या घटनेची माहिती घेण्यासाठी कर्मचारी पाठविला आहे.

अर्धापूर तालुक्यातील रोडगी शिवारात अनिल कदम यांच्या शेतातील विहिरीत पडलेल्या बिबट्याला चार तास रेस्क्यु आॅपरेशन करुन सुखरूप बाहेर काढण्यात वनविभागाच्या रेस्क्यु टिमला यश आले होते. ही घटना गुरुवारी (ता. 14)  झाली होती. त्यानंतर  याच परीसारातील खैरगावा (म) येथील एका शेतातील आखाड्यावर बक-याचा फडशा पाडल्याची घटना पुढए आली आहे.

खैरगाव शिवारात सतीष संजय लांडगे यांचे शेत आहे. या शेतात सालगडी म्हणून काम करणा-या शेतमजूराने आखाड्यावर बक-याला बांधले होते. सदरील बकऱ्यास शनिवारी (ता. 15) रात्री बिबट्याने फस्त केल्याची घटना शनिवारी सकाळी (ता. 16) उघडकीस आली आहे आशी माहिती पंजाब चव्हाण यांनी दिली.

हेही वाचामाहूर तालुक्यातील पापलवाडी येथील ' त्या ' कोंबड्यांचा मृत्यू बर्ड फ्लूनेच! राष्ट्रीय उच्च सुरक्षा पशुरोग संस्था भोपाळचा अहवाल पॉझिटिव्ह

याप्रकरणी वनपरिक्षेत्र अधिकारी शरयू रुद्रावार यांच्याशी संपर्क केला असता त्यांनी सांगितले की, सदरील घटनेची माहिती घेण्यासाठी कर्मचा-या खैरगावाला पाठविण्यात येईल. तसेच सदरील बकऱ्यास जर वन्यपशुने मारले असतील तर शासनाच्या नियमाप्रमाणे शासकीय मदत देण्यात येईल. बिबट्याचा शोध घेण्यात येईल अशी माहिती दिली.

या परिसरात दोन दिवसाच्या आड बिबट्याचा वावर असल्याचा संशय निर्माण झाला आहे. त्यामुळे भितींचे वातावरण निर्माण झाले आहे. हे दोन्ही बिबटे एकाचवेळी शिकारीसाठी बाहेर पडले असावे असा संशय व्यक्त केला जात आहे. तर वनविभागाने तातडीने योग्य ती कार्यवाही करावी अशी मागणी केली जात आहे.

 

संपादन- प्रल्हाद कांबळे
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: In Ardhapur, leopard is rampant again, goats have been killed nanded news