नांदेड जिल्ह्यात कोरोनाच्या रुग्णसंख्येत पुन्हा वाढ

सोमवारी १६४ अहवाल बाधीत; २९ रुग्ण उपचारातून झाले बरे
Corona Update Akola
Corona Update AkolaSakal

नांदेड : राज्यभरात पुन्हा एकदा कोरोनाचा कहर सुरु झाला आहे. नांदेड जिल्हा देखील त्यात मागे नाही. दिवसेंदिवस जिल्ह्यातील कोरोनाबाधित रुग्णांची संख्या झपाट्याने वाढत आहे. सोमवारी (ता.दहा) प्राप्त झालेल्या एक हजार ५१० अहवालापैकी १६४ जणांचे आहवाल पॉझिटिव्ह आले आहेत. २९ रुग्ण बरे झाल्याने त्यांना रुग्णालयातुन सुटी देण्यात आली आहे.

Corona Update Akola
नांदेड : एसटी कामगारांना सरकारकडून सहानभुतीची अपेक्षा

जिल्ह्यातील एकूण बाधित रुग्णांची संख्या ९१ हजार १४५ इतकी झाली आहे. तर कोरोना आजारावर मात करुन ८७ हजार ९४७ रुग्ण घरी परतले आहेत. जिल्ह्यातील कोरोना बाधित रुण्णाच्या संख्येत वाढ होत असली तरी, उपचार सुरु असलेल्या गंभीर कोरोनाबाधित रुग्णांपैकी मागील अनेक दिवसांपासून जिल्हाभरात एकाचाही मृत्यू झाला नाही. त्यामुळे जिल्ह्यातील मृत्यूची संख्या दोन हजार ६५५ इतक्यावर स्थिर आहे. सोमवारी आढळून आलेल्या बाधितांमध्ये नांदेड वाघाळा महापालीका हद्दीत १३८, नांदेड ग्रामीण तीन, धर्माबाद एक, माहूर एक, हदगाव एक, उमरी एक, भोकर दोन, कंधार एक, बिलोली एक, देगलूर एक, किनवट दोन, मुखेड दोन, परभणी पाच, हिंगोली दोन, वाशीम एक, यवतमाळ दोन असे १६४ पॉझिटिव्ह रुग्ण आढळून आले आहेत.

Corona Update Akola
नांदेड शहरात कायदा व सुव्यवस्थेचा प्रश्न ऐरणीवर

विष्णुपुरी शासकीय रुग्णालयातील एक, नांदेड वाघाळा महापालिका गृह विलगीकरणातील २७ व तालुक्यांतर्गत गृह विलगीकरणातील एक असे २९ रुग्ण बरे झाल्याने घरी सोडण्यात आले आहे. विष्णुपुरी शासकीय रुग्णालयात २३, जिल्हा कोविड सेंटर एक, नांदेड महापालिकेंतर्गत गृह विलगीकरणात ४२२, जिल्ह्यातील तालुक्यांतर्गत ८८ व खासगी रुग्णालयात १० असे ५४४ बाधित रुग्णांवर उपचार सुरु आहेत. त्यापैकी चार बाधितांची प्रकृती गंभीर आहे.

नांदेड कोरोना मीटर

  1. एकूण बाधित- ९१ हजार १४५

  2. एकूण बरे - ८७ हजार ९४७

  3. एकूण मृत्यू - दोन हजार ६५५

  4. सोमवारी बाधित - १६४

  5. सोमवारी बरे - २९

  6. सोमवारी मृत्यू - शून्य

  7. उपचार सुरु - ५४४

  8. गंभीर रुग्ण - चार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com