नांदेड जिल्हा पुन्हा कोरोनाच्या विळख्यात | Sakal
sakal

बोलून बातमी शोधा

Corona-patient
नांदेड जिल्हा पुन्हा कोरोनाच्या विळख्यात

नांदेड जिल्हा पुन्हा कोरोनाच्या विळख्यात

नांदेड : जिल्ह्यातील कोरोना रुग्णांची(nanded corona upadate) संख्या दिवसाला दुप्पटीने वाढत आहे. आठवडाभरापूर्वी जिल्ह्यात केवळ पंचवीस ते ३० कोरोनाबाधित रुग्णांवर(covid patients) उपचार सुरु होते. मात्र मागील काही दिवसापासून जिल्ह्यातील कोरोना रुग्णांची संख्या झपाट्याने वाढत आहे. त्यामुळे जिल्हा पुन्हा कोरोनाच्या विळ्यात सापडल्याचे दिसून येत आहे. रविवारी (ता.नऊ) प्राप्त झालेल्या एक हजार ३६३ अहवालापैकी १४७ अहवाल पॉझिटिव्ह आले आहेत. तर दिवसभरात दहा रुग्ण आजारातून बरे झाल्याने त्यांना घरी सोडण्यात आले आहे. रविवारी आढळून आलेल्या १४७ अहवालामुळे जिल्ह्यातील एकूण पॉझिटिव्ह रुग्णांची संख्या ९० हजार ९८१ इतकी झाली आहे. ८७ हजार ९१७ रुग्ण कोरोना आजारातून मुक्त झाले आहेत. मागील अनेक दिवसांपासून कोरोनावर उपचार सुरु असलेल्या रुग्णांपैकी एकाही गंभीर रुग्णाचा मृत्यू झालेला नाही. त्यामुळे जिल्ह्यातील कोरोना आजाराने मृत्यू झालेल्या रुग्णांची संख्या दोन हजार ६५५ एवढ्यावर स्थिर आहे.

हेही वाचा: नांदेडमध्ये शनिवारी कोरोना रुग्णसंख्येत वाढ

रविवारी आढळून आलेल्या बाधितांमध्ये नांदेड वाघाळा महापालिका हद्दीत ८२, नांदेड ग्रामीण १०, देगलूर पाच, मुदखेड तीन, माहूर पाच, धर्माबाद एक, नायगाव दोन, किनवट पाच, अर्धापूर चार, कंधार सहा, भोकर एक, लोहा पाच, उस्मानाबाद एक, परभणी सहा, पणे एक, लातूर एक, हिंगोली एक, पुसद एक, आदिलाबाद एक असे एकूण १४७ बाधित आढळून आले आहेत. नांदेड महापालिका गृहविलगीकरणातील सात, जिल्हा कोविड रुग्णालयातील दोन तर खासगी रुग्णालयातील एक असे दहा रुग्ण बरे झाले आहेत.

हेही वाचा: अखेर लसीकरण प्रमाणपत्रावरुन हटवला जाणार PM मोदींचा फोटो

नांदेड कोरोना मीटर

  1. एकूण बाधित-९० हजार ९८१

  2. एकूण बरे -८७ हजार ९१७

  3. एकूण मृत्यू- दोन हजार ६५५

  4. रविवारी बाधित-१४७

  5. रविवारी बरे- दहा

  6. रविवारी मृत्यू- शून्य

  7. उपचार सुरु-४०९

  8. गंभीर रुग्ण- चार

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top