चाॅकलेटचे आमिष दाखवून पाच वर्षाच्या चिमुकलीवर बलात्कार, नराधमाला अटक

नांदेड : अवघ्या पाच वर्षाच्या चिमुकलीला चाॅकलेटचे आमिष दाखवून ६० वर्षाच्या नराधमाने बलात्कार केल्याची धक्कादायक घटना नांदेडमध्ये (Nanded) घडली आहे. नराधमाला अटक करण्यात आली आहे. लोहा जवळा येथे सोमवारी (ता.११) ही धक्कादायक घटना घडली. नरबा कांबळे असे आरोपीचे नाव आहे. पीडिताचे आई-वडील शेतात गेले होते. ही संधी साधून नरबा कांबळे याने चिमुकलीला चाॅकलेटचे आमिष दाखवून घरी नेऊन तिच्यावर बलात्कार केला. पीडित मुलीने आईला घडलेल्या प्रकाराविषयी सांगितले. (Man Abused Minor Girl In Nanded)

त्यानंतर नराधमास ग्रामस्थांनी चांगलाच चोप दिला. त्यानंतर पोलिसांच्या स्वाधीन त्याला करण्यात आले. या प्रकरणी सोनखेड येथील पोलिस ठाण्यात नरबा कांबळे याच्या विरोधात पाॅस्को कायद्याअंतर्गत गुन्हा दाखल करण्यात आला आहे.

दुसरीकडे पीडितेवर जिल्हा शासकीय रुग्णालयात उपचारासाठी दाखल करण्यात आले आहे.